Nordlándda ja Innlandet fylkkas sáhttá stuora vejolašvuohta deaivvadit boarkkas ja buošes biilavuddjiin johtolagas.
– Mun in dieđe manne dan guovtti fylkkas leat biillavuoddjit eambbo buošit ja boarkasat go eará fylkkain, muhto leat čielga erohusat iešguđet fylkkain. Lea measta 20 proseantta erohus vuosttaš sajis ja maŋemuš sajis, muitala Frende Forsikring mohtorfágahoavda Roger Ytre-Hauge preassadieđáhusas.
Logut bohtet ovdan guorahallamis man Norstat lea Frende ovddas dahkan.
Dáppe leat biilavuoddjit boarkasat ja buošit
Nordlánda 74 proseantta
Innlandet 72 proseantta
Oslo 71 proseantta
Romsa ja Finnmárku 67 proseantta
Vestlánda ja Telemárku 66 proseantta
Trøndelága 66 proseantta
Agder 64 proseantta
Viken 63 proseantta
Rogalánda 58 proseantta
Møre ja Romsdála 56 proseantta
– Suvrra, vašánis ja boarkkas dahje buošes biilavuoddji lea biilavuoddji mii ii leat áicil. Dakkár biilavuoddjit leat váralaččat sihke alcceseaset ja earáide, muitala Ytre-Hauge.
Fágahoavda ávžžuha olbmuid geat dovdet ahte eai nagot fokuseret ja jurdagat jorret eará guvlui, ahte de eai vikka čohkkedit biilii ja vuoddját.
– Jus čohkkedat bilii, muitte vuodjinleahtu báikkis, ále čuokko diŋggaid vuojedettiin ja ane čalmmis biilla mii ovddabealde lea, ávžžuha son.