-Almmuhus-
-Almmuhus-
OĐĐASATBadjel 65-jahkásaččat ávžžuhuvvojit bijahit ođđa koronaboahkkodosa

Badjel 65-jahkásaččat ávžžuhuvvojit bijahit ođđa koronaboahkkodosa

-

-

Ráđđehusas lea ođđa ávžžuhus koronaboahkuid ektui ja dáhttu suohkaniid boahkuhišgoahtit gaskal 65–74–jahkasaččaid nu jođánit go vejolaš. 

Ráđđehus čuovvola Álbmotdearvvašvuođainstituhta ávžžuhusa fállat ođđa koronaboahkkodosa olbmuide geat leat badjel 65 jagi boarrásat. Dán ahkeluohkkái leat dássážii fállan golbma koronaboahkkodosa ja dat mielddisbuktá ahte eatnašat sáhttet bijahit njealját boahkkodosa. 

Koronaboahkut leat ain ráđđehusa deháleamos gaskaoapmi koronastrategiijas ja gearggusvuođas. Norggas leat ain koronaboahkut maid sáhttet fállat olbmuide. 

Suohkanat galget boahkuhišgoahtit gaskal 65–74-jahkásaččaid nu jođánit go sis lea kapasitehta, ja boahkuheapmi galgá jođus ovdal golggotmánu 1. beaivvi 2022. Stáhta gokčá boahkuheami ja suohkanat sáhttet bivdit veahki apotehkain ja priváhta aktevrrain jus lea dárbu. Dasa lassin galget suohkanat maid ráhkkanit fállat ođđa boahkkodosa ollesolbmuide geain leat vuollásaš dávddat, dieđiha ráđđehus preassadieđáhusas. 

-Almmuhus-