Badjel 5000 Natoriika-soalddáha galget hárjehallet Davvi-Norggas. Norgga ráđđehus sávvá eanet fásta hárjehallamiid Norgii.
– Mii sávvat ahte Vuolleriika ja USA galget čatnasit eanet Norgii dasa lassin go Nato artihkal 5 dadjá ahte jus riika fallehuvvo, de doaibmá olles alliánsa, dadjá gulahallanolmmoš Eirik Skomedal Hærenis Klassekampenii.
Dál hárjehallet USA, Stuora-Británnia ja Vuolleriika Norggas. Forsvarbygg lea huksen leairra 600 Vuolleriikka soalddáhii geat hárjehallet Sis-Romssas. Duiskka, Franska, Ruoŧa ja Suoma soalddáhat hárjehallet maid riikkas.
– Mii hárjehit Norgga soalddáhiid Nato plánadoaimmaide heahtedilis ja soađis. Mii galgat ovttasbargat lagabui earret eará USA, Stuora-Británnia ja Vuolleriikka soalddáhiiguin, dadjá suodjalusministtar Frank Bakke-Jensen.
(©NTB)
