Sullii 435 olbmo Nuortavágis Finnmárkkus ledje isolerejuvvon go muohtauđas fierai mannan ija. Luodda rahpasii fas diibmu 09.00.
Fylkkaluodda 173 Honnesvági ja Nuortavági gaskkas lei gitta go ollu lei borgan disdaga čuovganeapmái, sihke Oarje- ja Nuorta-Finnmárkkus.
Ollu muohta lea fierran várregilggaid ja badjel uđassihkarastinrusttegiid, dieđiha NRK.
Rahpet luotta beaivvi mielde
Davvinjárgga stuorámus guollebivdohápman, Nuortaváhki Máhkarávjjus, ledje isolerejuvvon. Báikkis ásset 435 olbmo.
– Stáda geaidnodoaimmahat sihtá olbmuid garvit uđasbáikki, go doppe lea hirbmat ollu muohta. Muohta čorgejuvvo eret go čuvggoda, ja jáhkket rahpat luotta beaivvi mielde, dieđiha Luoddajohtolatguovddáža johtolatoperatevra, Siril Veiåker Nilsen.
Diibmu 09.00 disdaga iđit rahpasii fas luodda, dieđiha NRK.
(©NTB)