-Almmuhus-
-Almmuhus-
OĐĐASAT Badjel 30 000 olbmo čergo dálkkádaga dihte

Badjel 30 000 olbmo čergo dálkkádaga dihte

-

-

– Buot politihkkárat Norggas leat gullan min čeargumin. Álbmotáŋgiruššan galggašii movttiidahttit garraset dálkkádatpolitihkkii, dadjá Even Nord Rydningen, Klimabrølet jođiheaddji.

Borgemánu 30. beaivvi lágiduvvui Klimabrøl, Dálkkádatčeargun, 14 gávpogis miehtá riikka.

Oslos ledje 20 000 olbmo čoahkkanan Stuorradikki olggobeallái.

Álbmotčearda devddii Eidsvoll báikki, Spikersuppa gitta Universitehta báikái.

 

Bergenis ledje badjelaš 5000 olbmo čoahkkanan Torgallmenningen.

Eará gávpogiin ledje maid 5000 olbmo čoahkkanan.

– Odne leat badjel 30 000 olbmo čájehan ahte mii háliidat doaimma. Mii diehtit ahte ii leat álki. Čeargun galgá boktit Stuorradikki ja ráđđehusa ja addit sidjiide duostilvuođa maid dárbbašit mearrideamis garraset dálkkádatpolitihka ja lasihit leavttu dan čađaheamis, dadjá Even Nord Rydningen, Klimabrølet jođiheaddji.

Doaluide čoahkkanedje sihke nuorat, rávisolbmot, mánát ja vuorrasat olbmot, skuvlastreikarat ja fitnodagat, fágasearvvit, gávpotolbmot ja boanddat.

- Advertisement -
-Almmuhus-