-Almmuhus-
OĐĐASATBadjel 220 000 šihtto­juvvon diim­mu leat maŋi­duvvon

Badjel 220 000 šihtto­juvvon diim­mu leat maŋi­duvvon

-

-

Ollu buhcciin leat maŋidan diimmuid buohcceviesuin ja eará dálkkodansajiin maŋŋel go koronadávda bođii Norgii.

Oktiibuot leat badjel 220 000 šihttojuvvon diimmu dearvvašvuođadoaimmas maŋiduvvon, čájehit  Norgga pasieantaregistara ja Dearvvašvuođadirektoráhta logut. Dan čállá NRK

– Sáhttá orrot stuora lohku, muhto čađahuvvojit hui olu konsultašuvnnat dearvvašvuođaguovddážiin ovtta jagis, nu ahte proseanttaid mielde ii leat stuora erohus, dadjá dearvvašvuođaministtar Bent Høie (O).

Son oaivvilda ahte buohcceviesut leat juo joksame daid maid leat šaddan maŋidit. 

Finnmárkku divššohas- ja geavaheaddjeáittárdeaddji Mette Elisabeth Eriksen ávžžuha buhcciid váldit oktavuođa fástadoaktáriin dahje buohcceviesuin ja rássat jus bákčasat dahje dilli vearáska. 

Vaikko leat ollu maŋideamit leamaš, de eai leat divššohas- ja geavaheaddjeáittárdeaddjit báljo ožžon moaitagiid. 

– Olbmot leat čájehan earenoamaš ollu áddejumi dán dilis, lohká Eriksen NRK:i. 

(©NTB)

-Almmuhus-