-Almmuhus-
-Almmuhus-
-Almmuhus-
OĐĐASATBadjel 200 ássi fárrehan uđasvára dihte

Badjel 200 ássi fárrehan uđasvára dihte

-

-

Svalbárddas fierai uđas disdaga beaivet, ja ollugat leat dan sivas šaddan fárret eret viesuin go ballet eambbo uđđasa fierrat.

Svalbárdda áššeolmmái ii loga ovttage dieđihuvvon lahppon dahje roasmmohuvvan. Guokte vistti leat billahuvvan uđđasa dihte.

– Oktiibuot 13 olbmo orrot dain viesuin, ja 75 ásodagain leat árrehan olbmuid eret uđasvára dihte. 208 olbmo leat šaddan fárret eret viesuin, ja vurdet ahte lohku sáhttá lassánit, dieđiha Váldogádjunguovddáža senior preassabargi Geir Mortensen.

 

 

– Eai lean makkárge mearkkat ovdal

– Eai lean makkárge mearkkat ovdagihtii, ovdal go ruoškkehii ja viessu lihkkasii, muitala ássi Nils Lorentsen NRKii. Son viegai hivssetlanja lásii, ja oinnii daid stuora billistemiid.

– Olggobealde ledje cuovkanan skuterat ja reagat viessoseinniid vuostá. Ránnjá biila lei sirdašuvvan viessoseainni lagat. Mu nieidda viessoseaidni lei buot gaikoduvvon, ja de ipmirdin man garra fámut ledje jođus, lohká son.

 

Frank Johnny Olsen muitala dramáhtalaš dáhpáhusa birra:

– Viessu lihkkasii, láset bohte olggos hilduiguin ja mánát bálkestuvvo guovtte guvlui. Su viessu billahuvai oalát.

 

Girdet politiijaid Svalbárdii

Girdi mii galggai loktanit Romssas Svalbárdii odne, šattai vuordit gitta politiijabálvvát ollejedje girdái ovdal beasai girdilit.

Orion gozihangirdi Ánddasullo girdistašuvnnas lea maid gearggus girdilit Svalbárdii eanet politiijabálvváiguin jus orro dárbu.

 

Iskame uđasvára

Beaivvi mielde lea čoggon nu ollu muohta uđasbáikkis, ahte Svalbárdda áššeolmmái lea geassán gádjunvehkiid eret báikkis.

NVEs lea geologa girdime helikoptera mielde ja iskame lea go várra ahte eambbo uđas sáhttá fierrat, dieđiha váldogádjunguovddáš preassadieđáhusas.

-Almmuhus-