Máhttodepartemeanta lea mearridan geavahit badjel 1,5 miljárdda ruvnno liigeoahpuide, ja sámegiella lea vuoruhuvvon.
Badjel 11 000 oahpaheaddji leat ohcan liigeoahpu dán jagi, muhto leat ain ollu oahpaheaddjit geat dárbbašit liigeoahpu vai besset joatkit fidnosurggiin.
Máhttodepartemeanta muitala ahte 11 296 oahpaheaddji leat ohcan liigeohppui ovdal ohcanáigemeari mii lei njukčamánnu 1. beaivvi. Dat leat 16 eambbo ohcci go diibmá. Eambbosat dárbbašit eambbo oahpu vai besset bargat dohkkehuvvon oahpaheaddjin maŋŋel 2025.
Ráđđehus dáhttu dán jagi geavahit 1,54 miljárdda ruvnno liigeohppui oahpaheddjiide. Dál lea suohkaniid ja eará skuvlaeaiggádiid duohken dohkkehit go ohcamušaid, ovdal go oahppoásahusat váldet ohcamušaid viidáseappot.
– Lea dehálaš ahte suohkanat dohkkehit eanemus lági mielde. Dat guoská earenoamážit daidda báikkiide gos leat ollu oahppaheadjit geain váilu čiekŋudeapmi fágain main sii oahpahit. Nu muitala máhtto- ja oavttaiduhttinministtar Trine Skei Grande pressadieđahusas.
Máhttodepartementa áigu vuoruhit ohcciid geat ohcet fágaide engelasgiella, matematihkka, dárogiella, dárogiela giehtagiella ja sámegiella mánáidskuvlla dásis.
Juohke njealját oahpaheaddjis gii oahpaha matematihka, váilot dat čiekŋudeamit mat dárbbašuvvojit boahtteáiggis. Dárogielas lea fas juohke guđat oahpaheaddji ja engelasgiealas fas juohke goalmmát.
(©NTB)
