Guhkitáigásaš mediariedja ja garra sánit sosiála mediain čuhcet bargiide Babcock:as.
Jonas Gahr Støre lei duorastaga Babcock guossis Álttás. Doppe muitaledje bargit movt sii leat vásihan rieja maŋemus mánuid.
– Mii leat leamaš media guovddážis ja dat lea leamaš lossat, muitala Babcock suodjalusáittardeaddji Anette Vreim NTB:ii.
Barggus leat ásahan njuolggadusa bargiide, ahte sii eai galgga hupmat rieja birra. Sii geahččalit nu bures go vejolaš doallat fokusa bargguide, mii sáhttá leat hui hástaleaddji.
– Muhto mii dovdat ahte riedja lea álgán čuohcat midjiide, dadjá Vreim.
Babcock- kapteaidna Geir Atle Skandsen oaivvilda ovdáneapmi mánná rievttes guvlui. Diibmá geasset fáhtehalai Babcock stuorra teknihkalaš váttuide, muhto otne lea dilli mearkkašahtti buoret. Buot girdit doibmet. Vuorroplánaid lea ain váttis deavdit, muhto ođđa girdivuoddjit ja teknihkkarat leat jođus.
– Babcock lea ožžon olu moaitagiid, sihkkarit olu rievttes moaitagiid, muhto lea dehálaš geahččat ovddos guvlui, dadjá Skandsen.
Vreim muitala vel ahte sii leat giitevaččat go media ja politihkkarat beroštit. De dahkko goit juoga bárttiiguin.
– Muhto mii leat leamašan hirbmat olu media guovddážis dal guhkit áigái.
(©NTB)
