Sámi Valáštallan Lihttu lea dál válljen čuigiid boahtte dálvvi AWG-gilvvuide.
Sámi Valáštallan Lihttu lea dál válljen čuigiid boahtte dálvvi AWG-gilvvuide.
Sámi Valáštallan Lihttu (SVL) lea dál válljen čuigiid boahtte dálvvi Arctic Winter Games (AWG) riemuide, mat lágiduvvojit Nuukas Ruonáeatnamis, dan čállá SVL preassadieđáhusastis.
– AWG-lávdegoddi lea mearridan válljet 6 čuoigi juohke joavkkus mánu maŋŋá Sámemeašttir gilvvuid 2015. Dan guđa nuoras leat njealjis geat besset vuolgit Nuuki oasálastit AWG 2016:s, čállá SVL.
Dárbbašit liige čuigiid
Dát mearkkaša ahte ii leat vel áibbas sihkar guđet dáin geat dál leat válljejuvvon, besset gilvalit Nuukas, dat mearriduvvo easká juovlamánus. Juohke jovkui válljejit de njealljása, ja guovttis báhcet liigeoasseváldin jus muhtin dan njealljásis buohccá dahje eará sivaid geažil dattege eai sáhte oassálastit AWG-gilvvuin.
– Guovttis ferteba liiggás ja lea dárbu ahte lea liigelistu go juohke háve leat muhtimat geat eai beasa vuolgit buozalmasvuođa geažil, čállet sii.
Šaddet ain gilvalit
SVL Lágiduvva bievlahárjehallan čakčamánus ja dálvehárjehallan skábmamánus 2015. Dat njealjis geat besset vuolgit ožžot dieđu maŋŋá dálvehárjehallama.
– Dat guđas geat dál leat válljejuvvon, fertejit juovlamánu rádjai gilvalit oažžut loahpalaš AWG–saji, čállá valáštallan lihttu.
Čuovvovaš čuoigit leat válljejuvvon joavkkuide:
1. joavku, 12- ja 13-jahkásaš gánddažat:
Fredrik Olufsen, Fjell Skilag
Tobias Øvrevoll, Fjell Skilag
Johan Ailo Eira, Máze IL
Sverre Hansen, Fjell Skilag
Heaika M. S. Sara, Nordlys
Marcus Blind, Soppero
2. joavku, 12- ja 13-jahkásaš nieiddažat:
Ina Nylund, Fjell Skilag
Elen Kristine Petterson, IL Ilar
Katrine Tovås, Fjell Skilag
Anna Sofie Andreassen, Fjell Skilag
Christina Elise Blind, IL Vinger
Camilla Korva, Anara
3. joavku, 14- ja 15- jahkásaš gánddat:
Marcus Åshovd, Fjell Skilag
Tor Agnar Olli, IL Nordlys
Antti Olav Rytki, Anara
Ovlla Per Sara Skoglund, IL Nordlys
Simon Åstot, Sarek IF
Jens Johan Brekke, Samisk Idrettsforening Sør
4. joavku, 14- ja 15-jahkásaš nieiddat:
Ida Tovås, Fjell Skilag
Hilla Portti, Anara
Oda J. Andreassen, Fjell Skilag
Ine Mariell Porsanger, IL Ilar
Kirsten Emilie Myklevoll, Fjell Skilag
Vilma Rytki, Anara
5. joavku, 16- ja 17-jahkásaš gánddat:
Jan Arthur Reinås, Fjell Skilag
Mathias Paltto, IL Nordlys
Einar Mikal Andreassen, Fjell Skilag
Kim André Amundsen, Fjell Skilag
6. joavku, 16-jahkásaš nieiddat:
Vibeke Persen, Deanu Searat
Amalie Tovås, Fjell Skilag
Trine A. Skånhaug, Fjell Skilag
Marte A. Skånhaug, Fjell Skilag
Aylin Åsli, Fjell Skilag
Maila Risten Dikkanen, IL ILAR