-Almmuhus-
-Almmuhus-
OĐĐASAT Ávžžuhus 113-guovddážis: – Ale vuolgge dálve­lupmui dán appa haga

Ávžžuhus 113-guovddážis: – Ale vuolgge dálve­lupmui dán appa haga

-

-

Jus váris bártidat, gahčat bahuid dahje buohccát, de sáhttá Hjelp 113-appa muitalit gádjunvehkiide justa gos don leat.

Lea Stiftelsen Norsk Luftambulanse dahje norgalaš áibmoambulánsa vuođđudus mii lea ovdánahttán dán Hjelp 113-appa. Go čuojahat heahtenummarii 113, de lea vuosttaš gažaldat gos leat don dál. Jus leat čuoigamin váris, de sáhttá leat váttis čilget justa gokko leat, erenoamážit go leat heađis.

– Jus mii eat dieđe gos don leat, de eat dieđe gosa mii galgat sáddet veahki. Danin sáhttá leat Hjelp 113-appa deaŧalaš mearkkašupmi, lohká AMK Oslo áibmoambulánsakoordináhtor Jørgen Skogmo, luftambulansekoordinator, AMK Oslo, čállá norgalaš áibmoambulánsa preassadieđáhusas.

Jus čuojahat heahtenummara nuvttá-appain Hjelp 113, de oažžu 113-guovddáš dieđu justa gos don leat. Lea maid vejolaš dan bokte riŋget 110 buollimii ja 112 politiijai. Skogmo čilge olusat heahtedilis eai nagot čilget gos sii leat ja olu áigi manná dasa. Maiddái Dearvvašvuođadirektoráhta ávžžuha buohkaid geavahit dán appa. Muitte fal váldit fárrui kártta go giehtatelefuvnna sáhttá láhppit dahje báhtterat eai doaimma. Lea maid vuogas jus biktasat leat ivdnát, vai oidnojit guhkás.

-Almmuhus-