Romssa fylkkamánni ávžžuha olbmuid vuhtii váldit boazolohkama mii čađahuvvo Sálliris dán ja boahtte vahkkus.
Romssa fylkkamánni ávžžuha olbmuid vuhtii váldit boazolohkama mii čađahuvvo Sálliris dán ja boahtte vahkkus.
– Olbmot ja beatnagat mat baldet bohccuid sáhttet dagahit liigebargguid ja liigegoluid boazodolliide, dadjá Romssa fylkkamánni fágaovddasvástideaddji Øysten Ballari.
Son čujuha helikoptergoluide mat boazodolliin leat čohkket ealuid. Fylkkamánni ávžžuha olbmuid vuhtii váldit čohkkenbargguid ja boazolohkama mii čađahuvvo čakčamánu 5. beaivvis 14. beaivái.
– Ávžžuhit ahte olbmot eai oba bahkkege guovlluide gos oidnet ahte čohkkejit ealuid helikopteriin. Dán áigodaga lea maid dehálaš vánddardit várrogasat ja veaddit beatnagiid báttis, čilge Ballari.
Romssa fylkkamánni neahttasiidduin leat eanet dieđut gos bohccuid čohkkejit iešguđetge beivviid.
