-Almmuhus-
OĐĐASAT Ávžžuhit vel eambbosiid heaitit

Ávžžuhit vel eambbosiid heaitit

-

-

Birrasii 90 spiinneboandda leat dieđihan ahte árvvoštallet heaittihit doaluset ruđaid ovddas. Dál ávžžuha Nortura vel eambbosiid heaitit vai spiinnebiergobuvttadeapmi unniduvvo. 

Norggas buvttaduvvo menddo olu spiinnebiergu ja danin fállet spiinneboanddaide ruđaid jus heaittihivčče doaluset.

Mánu maŋŋel go ásahedje ordnega leat 90 boandda dieđihan ahte árvvoštallet njuovvat spiinniideaset.

Dáid boanddain leat birrasii 2700 spiinni, čállá Nationen. 

 

Háliidit oastit 4000 spiinni

Gálvojohtoráđđi, mii heiveha Norgga eanadoallobuvttaduvvon gálvvuid, áiggošii oastit 4000 spiinni vai muddešedje spiinnebiergobuvttadeami. 

– Lea ain vejolaš ohcat ruđaid, ja mii sávvat ahte smávvabuvttadeaddjit árvvoštallet váldit vuostá dán fálaldaga, dadjá Nortura oppalašgávppi direktevra Ole Nikolai Skulberg. 

Norturas lea ovddasvástádus čađahit dán doaimma ja fállet boanddaide 16 000 ruvnnu juohke spiinni nammii čieža jagi ovddos guvlui.

 

Eai beasa bargat spiinniiguin

Boanddat šaddet de heaittihit doaluset, eai ge beasa álggahit spiinnedoalu čieža jahkái.

Gaskamearálaččat oažžu juohke boanda 750 000 ruvnnu jus heitet spiinniiguin, stuora spiinneboanddat ges sáhttet oažžut lagabui 1,7 miljovnna ruvnnu. 

(©NTB)

- Advertisement -
-Almmuhus-