-Almmuhus-
OĐĐASATÁvžžuhit suohkaniid ráhkkanit giđđadulvái

Ávžžuhit suohkaniid ráhkkanit giđđadulvái

-

-

NITO várrepresideantta Kjetil Lein jáhkká ahte sáhttet leat suohkanat mat eai leat ráhkkanan giđđadulvái dán koronadili dihte mas leat dál, ja ávžžuha dahkat dan.

Koronadili dihte lea dál deháleabbo go goasse ovdal ahte suohkanat ráhkkanit bures jus šaddá stuora dulvi, nu ahte lea vejolaš gieđahallat váikkuhusaid mat bohtet.

– Mu ávžžuhus lea bidjat johtui doaimmaid ovdagihtii NVE dulvevárrehusa vuođul. Suohkanat fertejit nanusmahttit iežaset, ja juohkit nođiid nu ahte ii boađe oktanis visot, lohká son preassadieđáhusas.

Son jáhkká ahte leat suohkanat mat eai leat ráhkkanan giđđadulvái dán koronadili geažil.

– Erohus eará dulvviid ektui, lea ahte mis dál lea maiddái pandemiijadilli maid fertet gieđahallat. Dat mearkkaša ahte suohkaniid heahtejođihangottiide, mat leat juo váiban koronadili gieđahallamis, dál sáhttá šaddat vel eambbo gieđahallanbargu dulvvi ektui.

Ovttasbargat

Son oaivvilda ahte almmolaš instánssat, nugo suohkanat ja luoddadoaimmahat fertejit ovttasbargat doalahandihte luottaid rabas nu guhka go vejolaš jus boahtá dulvi mas leat stuora váikkuhusat.

– Mii fertet hehttet boahtimis dakkár dillái ahte olbmot geain lea servodatkritihkalaš barggut, eai beasa bargui. Almmolaš instánssat fertejit bures ovttasbargat sihkkarastin dihte ahte krihtalaš infrastruktuvrrat fuolahuvvot, lohká son.

-Almmuhus-