Dán jagaš Márkomeanus ii hálit festiválajođiheaddji oaidnit gussiin Suoma turistagahpiriid.
Dán jagaš Márkomeanus ii hálit festiválajođiheaddji oaidnit gussiin Suoma turistagahpiriid.
Olu festiválain máilmmis leat álgán gieldit geavaheamis gárvvuid main lea vuoiŋŋalaš ja kultuvrralaš mearkkašupmi eamiálbmotservvodagaide. Ovdamearka dihte leat gussiid gieldán indiánadolggiid geavaheames Osheaga music festival, Heavy Montreal ja ÎleSoniq Kanádas
Márkomeannu ges gieldá dán jagi vuovdimis Suoma turistagahpiriid iežaset festiválas.
– Min mielas olbmot galggašii geavahit daid albma sámi čiŋaid ovddastit sámevuođa. Min mielas ii ovddit diekkár turistagáhppir sámevuođa, čilge festiválajođiheaddji Marita Kristin Eilertsen.
Danin sii maid ávžžuhit festiválagussiid ahte eai cokka dakkár gahpiriid sin festiválii.
– Eat mii dieđus váldde gal olbmuin eret dakkár gahpira, muhto ávžžuhit ahte ii leat dakkáraš oaivvis festiválas, lohká son.
Dán dieđiha NRK Sápmi.
