-Almmuhus-
-Almmuhus-
-Almmuhus-
SMÁVVAOĐĐASATÁvžžuhit ohppiid ja bargiid váldit iskosa ovdal skuvllat fas álget

Ávžžuhit ohppiid ja bargiid váldit iskosa ovdal skuvllat fas álget

-

-

Guovdageainnu suohkan ja Kárášjoga gielda ávžžuhit ohppiid ja bargiid váldit koronaiskosa ovdal go skuvllat fas álget boahtte vahkku.

Dearvvašvuođadirektoráhtta lea sádden reivve buot suohkaniidda mas ávžžuhit buot skuvlabargiid ja ohppiid váldit koronaiskosa ovdal go skuvllat fas álget ođđajagemánu 3. beaivve. 

Ávžžuhusas čuožžu maid ahte oahppit ja bargit berrejit váldit iskosa áramus 24 diimmu ovdal iežaset vuosttaš beaivvi skuvllas. Ulbmil dáinna lea fuobmát ja eastadit njoammuma ovdal skuvlaáigodat fas álgá.

Guovdageainnu suohkanis sáhttá iskosiid viežžat boares nuoraidskuvlavisttis gaskavahku ja duorastaga, gaskal dii. 11:00 – 14:00. Kárášjogas sáhttá iskosiid viežžat gaskavahku ja duorastaga skuvlla oktasašvisttis, gaskal 12:00 – 13:30.

-Almmuhus-