-Almmuhus-
CORONAVIRUSÁvžžuhit njealját korona­dosa

Ávžžuhit njealját korona­dosa

-

-

Álbmotdearvvašvuođainstituhta lea čađahan riskaárvvoštallama.

Raporttas čállá FHI (Álbmotdearvvašvuođainstituhtta) ahte oidnet ođđa lassáneami epidemiijas mii vuolgá das go álbmotimmunitehta lea hedjonan ja šaddi BA.5-variánttas omikronas.

– Mii leat eahpesihkkarat man stuoris lassáneapmi šaddá. Álbmoga immunitehta ja láhtten oktan áigodatčuozahusain, nu go beaivváš ja báhkat, váikkuhit dilálašvuođa, dadjá FHI njoammunsuodjalusdirektevra Trygve Ottesen preassadieđáhusas.

Lassána

FHI dieđuid mielde lea jáhkehahtti ahte boahttevaš vahkkuid mielde šaddet eambbo ja eambbo boares olbmot buohcciviesuide. Go servvodaga dábálaš aktivitehta álgá fas čakčamánus, de soaitá boahtit ođđa lassáneapmi váruha FHI.

FHI doaivu covid-19 pasieanttat buohcciviesuin lassánit dan muddui go lei dálvet ovdal go njiedjan álggii, čállo raporttas.

Dál leat 200 pasieantta Norgga buohcciviesuin covid-19 dihte. 

Njealját dosa

Omikron-variánta BA.5 leavvá dál ja das lea stuorát leavvan go eará variánttain dan dihte go das lea stuorát nákca servvoštallat ovddeš vaksinerema ja njoammuma immunitehtain.

Gaskal 40 ja 70 proseantta álbmogis lea leamaš covid-19 unnimusat oktii, muhto lohku lea unnimus boarráset gearddi gaskkas.

Badjel 75-jahkásaččaide ávžžuhuvvo njealját dosa geasset ja eará boarrásiidda ja riskajoavkkuide fas čakčat.

-Almmuhus-