Jus leat boahtime «rukses» riikkas Norgii, de ávžžuhuvvo ahte geavahat njálbmesuoji olles mátkkis ruoktot.
Buohkat, geat bohtet nu gohčoduvvon «rukses» riikkain Norgii, galget logi beaivvi erremii ruovttus dahje eará heivehuvvon orrunsajis. Norgga Dearvvašvuođainstituhtta ávžžuha buohkaid, geat mátkkoštit «rukses» riikkain Norgii, geavahit njálbmesuoji olles mátkkis gitta ollejit dohko gos galget erremis.
– Dát mearkkaša ahte eatnasat sis geat mátkkoštit berrejit diktit njálbmesuoji leahkit alde go vánddardit nu go bussiin dahje togain ruoktot girdišiljus. Dát lea okta vuohki movt eastadit njoammuma go lea manname dohko gos galgá erremis, dadjá Dearvvašvuođainstituhta ossodatdirektevra Line Vold.
