-Almmuhus-
-Almmuhus-
OĐĐASAT Ávžžuhit máhcahit spiinn­ebiergo­buktagiid mat leat oston davvin

Ávžžuhit máhcahit spiinn­ebiergo­buktagiid mat leat oston davvin

-

-

Biergobuvttadeaddji Nortura gohčču buktit ruovttoluotta spiinnečielggi, spiinneniskki ja márffiid main ii leat olggoš.

Nortura  gohčču ruovttoluotta spiinnebiergobuktagiid mat leat vuvdon eaŋkilbuvddain Romssas ja Finnmárkkus, ja Nordlánddas. Sivvan dasa lea go dát leat sáddejuvvon buvddaide ovdal go Nortura leat ožžon dárbbašlaš dieđuid Trikin-iskosiin. Danin biergobuvttadeaddji gohčču gálvvu ruovttuluotta.

Gálvvut mat leat oston Eurospar ja Spar buvddain:

Spiinneniski mas riibanáigi lea 02.03 ja 09.03. Spiinnečielgi mas riibanáigi lea 27.02. 

Gálvvut mat leat oston Rema 1000 buvddain:

Márffit main ii leat olggoš, 900 grámma, mas riibanáigi lea 23.03.  Original márfi, 1,2 kilo, mas riibanáigi lea 23.03. 

Trikin

Jagi 1994 gávdne Trikin spiinnis, muhto dát ii leat dábálaččat gávdnamis Norggas. Trikin lea parasihtta mii njoammu olbmuide ja elliide. Trikin šaddá máhtun mii leavvá čoalis dehkiide. Trikin jápmá go biergobuvtta liggejuvvo badjel 68 gráda lieggasii. 

- Advertisement -
-Almmuhus-