-Almmuhus-
-Almmuhus-
-Almmuhus-
OĐĐASATÁvžžuhit guhki­dit rám­buvrraid ja alko­hola­vuovdima rabas­áiggiid 

Ávžžuhit guhki­dit rám­buvrraid ja alko­hola­vuovdima rabas­áiggiid 

-

-

FHI ávžžuha guhkidit borramušrámbuvrraid ja alkoholavuovdima rahpanáiggiid ovdal juovllaid vai garvit njoammunleavvama čadnon juovlagávppašeapmái.

FHI (Álbmotdearvvašvuođainstituhtta) ávžžuhu dan láidehussan ráđđehusa preassakonferánssas, mii galgá gaskavahku, gos buktet ođđa dieđuid koronadilálašvuođa birra. Lea jáhkehahtti ahte bohtet ođđa njuolggadusat doaibmabidjun mat gusket juovllaid badjel.

Juovlagávppašeami oktavuođas ávžžuhit dearvvašvuođaeiseválddit máŋggaid doaibmabijuid mat sáhttet gáržžidit njoammunleavvama. Máŋga gaskaoami ávžžuhuvvojit vai garvet olbmuid čoahkkaneames seamma sadjái oktanaga.

– Go doallat rámbuvrraid rabas eambbo ovdal bassebeivviid, de sáhttit unnidit stuorát gávppašemiid ja čoahkkanemiid rámbuvrraide ovdal juovllaid. Guhkiduvvon rabasáiggiid alkoholavuovdimis sihke rámbuvrras ja viidnagávppis attášii unniduvvon čoahkkaneami, čállá FHI mearrádusvuođus man leat sádden ráđđehussii.

– Gávpeguovddážiin galggašii ráhkadahttit strategiija, maiddái oktasašguovlluin. Galggašii maid árvvoštallat vávttaid barggahit geat gehččet ahte olbmot čuvvot ávžžuhusaid, čuožžu mearrádusvuođus.

Ávžžuhuvvo maid bidjat sierra áiggiid goas riskajoavkkut sáhttet gávppašit go eará kundarat eai leat doppe ja gos gáržžiduvvo galle kundara sáhttet oktanaga leat doppe.

Dan dieđiha VG.

-Almmuhus-