-Almmuhus-
-Almmuhus-
OĐĐASAT Ávžžuhit gieldit ovtta­háválas plastihkka­buktagiid

Ávžžuhit gieldit ovtta­háválas plastihkka­buktagiid

-

-

Birasdirektoráhtta ávžžuha gieldit ovttaháválaš plastihkkabuktagiid suoidnemánu rájes boahtte jagi. Gulaskuddamis čájehuvvui ahte dorjot evttohusa.

Ovttaháválas plastihkkabuktagat maidda gielddus guoská leat borranneavvut, tallearkkat, bohcci, fierrunsákkit, baloŋŋasákkit ja bumbolsákkit, dasa lassin isoporadoasat maiguin fievrrida biepmu ja juhkamuša. 

– Gieldima ulbmil lea unnidit nuoskkideami ja hehttet plastihka leavvamis vai ii vahágahte elliid. Min evttohus manná oktii EU-direktiivva plastihkkabuktagiid gáibádusaiguin, lohká Birasdirektoráhta direktevra Ellen Hambro. 

Measta guokte miljárdda jahkái

Gielddus sáhttá unnidit ovttaháválas geavaheami Norggas 1,9 miljárdda ovttadagain jahkái, čájeha guorahallan man konsuleantafitnodaga Mepex lea čađahan Birasdirektoráhta ovddas. 

Ovttaháválasbuktagiid maid evttohit gieldit, sáhttá álkit molsut ovttaháválas buktagiiguin mat leat ráhkaduvvon eará ávdnasis dahje buktagiiguin maid sáhttá geavahit máŋgii. 

Birasdirektoráhtta lea ožžon gulaskuddanoaiviliid 13 suorgeorganisašuvnnas, birasorganisašuvnnain ja ealáhusaktevrrain.

- Advertisement -
-Almmuhus-