Haparanda gielda ávžžuha buohkaid gielddas garvit dárbbašmeahttun rádjerasttildemiid Suoma ja Ruoŧa gaskka.
Suoma ráđđehus iská vejolašvuođa čavget rádjerasttildemiid ja ráddjendárkkisteami Ruoŧa Suoma gaskka, čállá Ruoŧa Yle.
Haparanda gieldda sátnejođiheaddji Sven Tornberg čilge NSD aviisii ahte sii háliidit gávdnat buoret čovdosa rádjerasttildeapmái Haparanda ja Durdnosa gaskka.
– Mii ávžžuhit garvit rádjerasttildemiid Suoma ja Ruoŧa gaskka mat leat dárbbašmeahttumat. Dan mii dahkat vai Suoma ráđđehus ohcá eará čovdosiid go oalát giddet ráji, čilge Haparanda gieldda sátnejođiheaddji Sven Tornberg NSD aviisii.
Suoma ja Ruoŧa gaskasaš rádjeservošii gullet Suoma bealde Duortnus, Badje-Duortnus, Pello, Kolari, Muoná ja Eanodat. Ruoŧa beale servošii gullet Haparanda, Bájil, Badjedurtnos ja Giron.
