-Almmuhus-
-Almmuhus-
OĐĐASATÁvžžuhit fas rahpat Väster­botten leana

Ávžžuhit fas rahpat Väster­botten leana

-

-

Mannan vahkku biddjui Västerbotten leana ruoksadin kárttas, muhto dál ávžžuha Álbmotdearvvašvuođainstituhtta fas fiskadin bidjat.

Buohkat, geat bohte Västerbottenis Norgii borgemánu 29. beaivvi rájes, fertejedje erremii, dieđihii Álbmotdearvvašvuođainstituhtta (FHI) mannan vahkku. Dál áigu FHI fas rievdadit ávžžuhusaid ja bidjat Västerbottena fiskadin kárttas. Dat mearkkaša ahte ii dárbbaš erremii go boahtá fas Norgii, muhto ávžžuhus lea ain ahte ii galgga vánddardit fiskes guovlluide jus ii leat dárbu. 

Jus ráđđehus doahttala FHI ávžžuhusaid, de biddjojit čuovvovaš leanat Ruoŧas fiskadin čakčamánu 5. beaivvi rájes:  Västerbotten, Jämtland, Västernorrland, Värmland, Gotland ja Örebro.

-Almmuhus-