Jođiheddjiid fágalihttu oaivvilda ahte bargiide, geat dávjá fertejit geavahit girdi ja helikoptera barggu oktavuođas, lea dronajohtolat dárbbašmeahttun liigenoađđi.
Jođiheddjiid ja oskkilduvvon mielbargiid fágalihttu organisere jođiheddjiid ja sierrabargiid geain lea ovddasvástádus kritihkalaš dahje servodahkii hirbmat dehálaš infrastruktuvrii, nu go oljorusttegat, elrávdnjeintensiiva industriija, buvttadanfitnodagat ja johtolat.
– Eanet ja eanet min mielbargiin imaštit manin Norga ii jávkat dárbbašmeahttun riskkaid mat leat čadnojuvvon drona geavaheapmái maid ii sáhte dárkkistit. Vaikko leat olu gielddusguovllut ja iešguđetlágan gáržžideamit Norggas, de lea stuorra guovllut gos ii leat dakkár gielddus, čállá Jođiheddjiid ja oskkilduvvon mielbargiid fágalihttu preassadieđáhusas.
Jođiheddjiid fágalihttu čállá ahte bargiide, geat dávjá fertejit geavahit girdi ja helikoptera barggu oktavuođas, lea dronajohtolat dárbbašmeahttun liigenoađđi ja juoidá mii dagaha eahpesihkarvuođa ja dorvvuhisvuođa sihke bargiide ja sin bearrašiidda. Fágalihttu sávvá iežaset miellahtuid ovddas ahte dakkár gaskaboddosaš dronageavahangielddus dakkaviđe biddjojuvvo fápmui.
