-Almmuhus-
-Almmuhus-
SMÁVVAOĐĐASATÁvžžuha stu­deanttaid bissut davvin

Ávžžuha stu­deanttaid bissut davvin

-

-

Olgoriikaministtar Anniken Huitfeldt lea fuolastuvvan go nu olusat fárrejit máttás ja guđđet davviguovlluid, ja ávžžuha studeanttaid ásaiduvvat davás maŋŋá oahppu.

– Kirkonjárggakonferánssas guovvamánus muittuhin olbmuid ahte jus olbmot eai leat, de ii leat mihkkege dorvvolašvuohta, ja jus dorvvolašvuohta ii leat, de eai leat olbmot. Davvi-Norgga ássiidlohku muhtin guovlluin lea fuolastuhttán mu, lohká Norgga olgoriikaministtar Anniken Huitfeldt UiT preassadieđáhusas.

Mannan maŋŋebárgga lei sus sáhkavuorru UiT – Norgga árktalaš universitehtas Eurohpá sihkarvuođapolitihkalaš dili birra ja váikkuhusaid davviguovlluin. Huitfeldta mielas lei lunddolaš báiki dakkár sárdnái.

– Davvi-Norggas lea buoremus gelbbolašvuođabiras Norggas, earret eará áhpedutkamis, dálkkádat- ja birasdutkamis, innovašuvnnas ja ceavzilis áhpeealáhusas. Dáppe leat máilmmi dálkkádat- ja riggodathástaleaddji čovdosat, ii mihkkege leat dehálabbo go dat dál. Dan gelbbolašvuođa galgat mii ovddidit maiddái riikkaidgaskasaččat, lohká Huitfeldt ja sávvá studeanttaid, go gerget oahpuin, ásaiduvvet davás go dáppe leat nu gelddolaš vejolašvuođat.

-Almmuhus-