Mátta-Várjjaga gieldda neahttasiiddus ávžžuhit olbmuid maŋidit mátkkiid gildii vai sáhttá eastadit koronavirusa njoammuma.
Gielddadoavttir ii ávžžut vuolgit Mátta-Várjjagii bearjadaga rájes gitta maŋŋel beassážiidda. Dat mearkkaša ahte sii geat gullet Girkonjárgii ja háliidit fitnat ruovttus, ávžžuhuvvojit maŋidit mátkki.
– Sii geat leat juo diŋgon mátkki, sáhttet maŋidit girdimátkki go eanaš girdifitnodagat addet vejolašvuođa maŋidit dahje atnit diŋgonmáhcaheami, dieđihit sii gieldda neahttasiiddu bokte.