Ollugat dovdet dakkár čuovggaid, ja dus dáidet maid dakkárat lásegárpmas mat leat alde birra jándora. Dát čuovga livččii sáhttán olles viesu bullehit.
Ollugat dovdet dakkár čuovggaid, ja dus dáidet maid dakkárat lásegárpmas mat leat alde birra jándora. Dát čuovga livččii sáhttán olles viesu bullehit.
Adveantačuovga dán govas buollái go lei idja. Okta dain čuovggain buollái, ja dolla olii láseliinniide mat buollájedje. Viessu lei giehpan maŋŋel buollima.
– Juovlačuovggat sáhttet bullehit jus daid ii geavat rievttes ládje, muitala Frende dáhkádusa buollinčeahppi Odd Magne Skjerping preassadieđáhusas.
Juovlamánnu lea dat mánnu go buollinčáskadeddjiin lea eanemus bargu. Juovlamánu lea 50 proseantta eanet buollin go dábálaččat ja muđui jagis.
Várálaš juovlačiŋat
Dat unna čuovggažat adveantanásttiin ja eará juovlahearvvat sáhttet dagahit buollima juohke jagi.
– Jus čuovga gopmána dahje jus leat juovlačiŋat mat leat máŋga jagi geavahuvvon juovllaid ja ráddjojuvvon eret, de sáhttá kábel ja čuovgapeara billahuvvat, muitala buollinčeahppi. Hearvvat sáhttet billahuvvan, ii ge dan soaitte fuomášit.
– Adveantačuovggas sáhttet čuovgapearat leat bissomeahttumat. Čuovga sáhttá leat iešguđetlágan pearain, mii dávjá muitala ahte dat ii leat nu go galgá leat. De ferte molsut čuovgapearaid, muitala Skjerping.
Oidnojit go buollinmearkkat
Jus čuovgapeara heaitá doaibmamis, de šaddá eanet gealdda eará čuovggaide ja temperatuvra badjána eará pearain. Jus dat báhkkanit, de sáhttet bullehit diŋggaid mat leat das lahka.
– Ale geavat čuovgapearaid main lea garraset gealdda go dat mii galgá leat juovlahearvvas, muitala Odd Magne Skjerping, ja sihtá olbmuid iskat ja jáddadit buot čuovggaid ovdal go mannet nohkkat, ja go guđđet ruovttu.
– Mii leat čeahpit váruhit gintaliid, muhto vajáldahttit ahte sáhttá bullehit jus bidjat adveantanásttiid ja eará čuovggaid láseliinniid lahka. Dáhkádusfitnodagat ožžot muhtin ráje dakkár buollindieđihemiid juovllaid ovddabealde, muitala Skjerping preassadieđáhusas.
