Dan mánu loahpas ollu sápmelaččat ja maiddái Norgga Sámedikki presideanta Aili Keskitalo galggaše Parisii Frankriikii COP21 konferánsii mas lea fáddan dálkkádatrievdadeami. Muhto terrordaguid geažil mat ledje geavvan ikte eahkedis Parisas ii soaite vuolgit.
– Lea beare árrat dal diehtit mii dáhpáhuva. Dal eat oba dieđe ge mo šaddá COP21 konfereanssain, muitala Keskitalo.
– Lea fránskka eiseválddiid duohken mearridit lágiduvvo go nu mot plánejuvvon. Jus dat lágiduvvo, de lea Sámediggi oassin norgga stáda sáttagottis, ja čuovvut de norgga olgoriikadepartemeanta rávvagiid.
Dan mánu loahpas ollu sápmelaččat ja maiddái Norgga Sámedikki presideanta Aili Keskitalo galggaše Parisii Frankriikii COP21 konferánsii mas lea fáddan dálkkádatrievdadeami.
Reuters ođasdoaimmahusa dieđuid mielde konferánsa oktavuođas galget bidjat eambbo návccaid sihkkarastinbargui
– Ávžžuhan buot sápmelaččaid geat ledje plánen vuolgit, vuordit, árvvoštallat dili dađistaga, ja čuovvut rávvagiid sin riikka eiseválddiin. Lei issoras terrordahku mii lea min buohkaid suorggahan. Mii moraštit dal ovttas Fránskkain, lohká Aili Keskitalo Ávvirii.
Reuters ođasdoaimmahusa dieđuid mielde konferánsa oktavuođas galget bidjat eambbo návccaid sihkkarastinbargui.
