Searvva don ge geatke-DNA-vákšumii jagi 2023! Dan ávžžuha Rovdata Norgga álbmoga dahkat.
Rovdata ásahus ávžžuha olbmuid leat mielde čoaggimin geatkebaikkaid miehtá Norgga ja oasálastit getkkiid DNA-vákšumii. Buot čoggojuvvon geatkebaikkaid galgá doalvut báikkálaš Stáhta bearráigehččui (SNO), dadjet preassadieđáhusas.
Rovdata jođiheaddji, Jonas Kindberg, muitala áidna maid dárbbašat váldit meahccái leat buhtes plastihkkabusset. Jorggut dušše busse ja čoakkát geatkkebaikka dan sisa ja čuolbmadat dan. SNO boraspiregulahallanolmmoš váldá vuostá sihke baika- ja guolgaiskosiid maid olbmot buktet.
– Mii doaivut álbmot searvvašii dán riikaviidosaš geatke-DNA-vákšumii. Ulbmil lea dáid geatkeiskosiin oažžut olu dehálaš ja miellagiddevaš dieđuid iešguđet getkkiid birra ja maiddái geatkenáli birra, lohká Jonas Kindberg.
Eanet dieđuid gávdná dás.
