Opplysningsvesenets fondas lea 200 jagi ávvudeapmi 2021:s ja lágidit ávvufeastta Kárášjoga báhpagárdimis sotnabeaivvi.
Čakčamánu 5. beaivvi lágiduvvo ávvudeapmi Kárášjoga báhpagárdimis, ja bovdejit álbmoga historjjálaš ruovttoluottageahčastahkii mannan čuohtejahkái Kárášjoga girkus – dalle go lei dáruiduhttin.
Prográmma
Festii boahtá Gudrun Eliissá Eriksen Lindi, SVD Musea- ja historjásearvvi stivrrajođiheaddji, muitalit Kristian Nissena birra, guhte lei Kárášjoga gielddabáhppa ja maŋŋelaš fas boazodoalloinspektevra. Skádjil koarra galgá lágideamis lávlut. Lágideapmi lea Kárášjoga girku searvegoddelanjas.
Čalmmustahttit báhpa ja báhpagárdima
Kárášjoga báhpagárdin lea okta dain ovddasteaddji riikkaoasi maŋŋelsoađi ássanviesuin. Viesu tevdnii 1948:s arkiteakta Erling Viksjø ja čuožžu girku bálddas. Viessu lei tevdnejuvvon báhpagárdimin mas lei báhpakantuvra, dasa lassin lei sávdnji gealláris, mii lea oahpes vistesárggus davimus fylkkas.
Báhpain ja báhpagárdimis lea leamaš stuorra mearkkašupmi Norgga ovdánahttimis. Báhpagárdimat ledje ovdalaččas dehálaš bargoaddit bálvaleddjiide, viessoalbmáide ja áigodatbargiide, ja báhppa lei dego máhtolaš ámmátalmmái guhte buvttii ođđasiid ja impulssaid olgomáilmmis. Opplysningsvesenets fond lea 1821 rájes eaiggáduššan eanaš báhpagárdimiid Norggas. 200-jagi ávvudeapmi ávvuduvvo 18 báhpagárdimis miehtá riikka čalmmusteamis movt sihke báhppa ja báhpagárdin lea ovdánahttán báikkálaš servvodaga.
