-Almmuhus-
-Almmuhus-
SÁMI ÁLBMOTBEAIVI 2021 Ávvudit Oslos, muhto eai čohkke olbmuid seamma báikái

Ávvudit Oslos, muhto eai čohkke olbmuid seamma báikái

-

-

Guovvamánu 3. beaivvi rájes leat doalut Oslos mat bistet gitta guovvamánu 27. beaivái, muhto eai hálit gal čohkket olbmuid seamma báikái, ja leat aivve digitála lágideamit Sámi álbmotbeaivvi.

Norske Grafikere guovvamánu 3. beaivvi 

Norske Grafikere bovde digitála dáiddárságastallamii dáiddár Ragna Misvær Grønstad ja girječálli/dramatihkkár Kathrine Nedrejord gaskkas. Ságadoalli lea arkeologa, musealoga ja UiO-stipendiáhtta Liisa-Rávná Finbog. Ságastallama fáddá lea «Hvem er du/Gii don leat?» ja gieđahallá sámi identitehta ja dáiddalaš doaimma. Norske Grafikere čájeha čájáhusa Ragna Misvær Grønstad – Et indre Sáiva 7.1.–13.2.

Oslo Met – stuorragávpotuniversitehta guovvamánu 5. beaivvi 

Neahttaávvudeapmi sártniiguin, sáhkavuoruiguin ja musihkain.

Fáttát: álgoálbmot ja pandemiijat, ja álgoálbmot ja minoritehtat skuvllas ja oahpus. Rektor OsloMetas Curt Rice, Sámedikki direktevra Inger Marit Eira-Åhrén, ja Saemien Studeenth Oslovisnie jođiheaddji  Erle Bårdsdatter Sæhter. Minikonsearta Arvvas joavkkuin, Steinar Raknes ja Sara Marielle Gaup Beaska.

Duopmogirku guovvamánu 6. beaivvi

Rabas girku lágiduvvo – digitála meassu Romssa duopmogirkus ja Nidarosdomenis.

Ráđđeviessu guovvamánu 6. beaivvi 

Digitála ávvudeapmi ovccis iđđedis: Bielločuojaheapmi ja leavgageassin sátnejođiheddjiin Marianne Borgen, Sámi Viesu stivrajođiheddjiin Per Olav Nymo ja sámepolitihkalaš ovddasteddjiiguin. Sártnit sátnejođiheaddji bokte ja Noereh jođiheaddji Elen Ravna bokte, ja filbma mánáiguin sámi mánáidgárddis geat ovdanbuktet Sámi soga lávlaga.  

Sámi viessu guovvamánu 6. beaivvi

Digitála ávvudeapmi dearvvuođaiguin ja musihkain.

Riikalávdi guovvamánu 6. beaivvi 

Riikalávdi čájeha ovddeš Sámi ávvokonsearttaid sin FB-siiddusja Youtubes. Georg Buljo ja su joavku gussiiguin čuojahit sámi musihka alimus dásis.

Riikalávdi guovvamánu 7. beaivvi 

Riikalávdi bovde bearašlágideapmái gos čájeha Jikŋon 2 olgoseainnis (jus vejolaš).

Kunstnerforbundet guovvamánu 6.beaivvi 

Digitála lágideapmi: www.kunstnerforbundet.no

Musikálalaš performance Frvldz bokte Sámi álbmotbeaivvi oktavuođas. Dáiddár Per Heimly lea visuála hábmema dahkan.

Roseslottet guovvamánu 6.beaivvi 

Čájálmas sámi rádjeofelaččaid birra ja konsearta Mikkel Gaup ja eará artisttaid bokte. 

Sámi Viessu guovvamánu 27.beaivvi 

Sámi Viessu loahpaha álbmotbeaivvi ávvudeami ja rahpá uvssaid guovvamánu 27. b. dáiddár Gjert Rognli govvačájáhusain logaldallamiin ja filbmačájáhusain. Govva ja máŋggamediála prošeaktačájáhus «Dan maid luondu diehtá – What nature knows». Filbmačájálmas «Life is a two-way dream», mainna lea vuoitán riikkaidgaskasaš bálkkašumiid.

-Almmuhus-