-Almmuhus-
-Almmuhus-
-Almmuhus-
OĐĐASATÁvvudit ILO 169 doaluiguin ja ođđa neahttasiidduin

Ávvudit ILO 169 doaluiguin ja ođđa neahttasiidduin

-

-

Bearjadaga leat doalut Gáldus gos almmuhit ođđa čállaga ja ođđa neahttasiiddu. Gáldu direktevra Laila Susanne Vars vuordá ollu olbmuid doaluide.

Dál lea ILO soahpamuš nr. 169 leamaš doaimmas 25 jagi Norggas.

Dan oktavuođas almmuha Gáldu dán bearjadaga čállosa, mas boahtá ovdan mo álgoálbmotvuoigatvuođat leat ovdánan dán áigodagas.

– Mii leat ge bovden logaldalliid Ole Henrik Magga muitalit mot lea ovdanan álgoálbmotvuoigatvuođat dán áigodagas. Mis lea maid nuorra logaldalli Ragnhild Marit Sara  mii maid boahtá kritihkkalaččat muitalit mii mis váilu dáppe Norggas. Mis lea maid sávaldat ahte olmot jerret Ole Heanddaragas ja Raghild Sara’s gažaldagaid, čilge Gáldu direktevra Laila Susanne Vars.

 

Ođđa siidu ođđa ivnniiguin

Gáldu maid almmuha ođđa neahttasiiddu seamma doaluin, ja čájeha oanehaččat makkár jurdagat ja áigumušat leat neahttasiiddu dáfus.

 – Mii leat jagi áigi virgádan Brita Åse Norlemann, sus lea dal váldo ovttasvástadus leamašan bargat min ođđa neahttasiidduin. Mii leat earret eará rievdadan siiddu sisdoalu, hámi ja ivnniid. Mii háliidit eanet čájehit sámivuođa ja dan maid mii bargat sámi áššiiguin. Da lea hui dávja ahte olbmot dáppe sámis eai dieđe buot maid mii bargat. Ja neahttasiiddu bokte de dieđusge Gáldu maid šadda eanet dovddusin. Muhto siidu ii leat vel áibbas válmmas, čilge Vars.

Doalut leat Diehtosiiddas, Allavárddu lanjas 3. gearddis, bearjadaga dii. 10.00.

– Vaikke leage bearjadatbeaivi ja doalut leat gasko beaivvi de sávvat goit mi Gáldus buohkaide bures boahtin doaluide. Mis lea gáhkku ja gáffe, lohká direktevra Laila Susanne Vars.

 

 

 

 

-Almmuhus-