Vefas IKS dahje Oafir SGO (Oarje-Finnmárkku Rihpafitnodat) ávvuda dán jagi 20 jagi, ja otne disdaga čakčamánu 13. beaivvi leaba Oafira hálddašeaddji direktevra Jørgen Masvik ja diehtojuohkinjođiheaddji Siw Line Thomassen Guovdageainnus Hánnomaras doapparbáikkis.
Vefas IKS dahje Oafir SGO (Oarje-Finnmárkku Rihpafitnodat) ávvuda dán jagi 20 jagi, ja otne disdaga čakčamánu 13. beaivvi leaba Oafira hálddašeaddji direktevra Jørgen Masvik ja diehtojuohkinjođiheaddji Siw Line Thomassen Guovdageainnus Hánnomaras doapparbáikkis.
Doppe soai guossoheaba gáfe, váffeliid, lágideaba «quiz» ja muitaleaba hearvás muitalusaid gaskal diibmu 14.00 ja 19.00.
Besset deaivvadit kundariiguin
Jørgen Masvik muitala sii dollet dákkár ávvudeami buot sin njealji eaiggátsuohkaniin, ja leat juo Álttás ávvudan.
– Dál leat Guovdageainnus, ja mii leat válljen dán vuogi danne go lea vuogas vuohki deaivvadit min kundariiguin, ságastallat ja fearániid juogadit. Álttás váldui lágideapmi hui bures vuostái, olbmot ledje ollu ja lei positiivvalaš vuoigŋa. Sávvamis šaddá sullasaš Guovdageainnus, lohká Masvik.
Ásahuvvui 20 jagi dassái
Oafir SGO ásahuvvui njukčamánu 29. beaivvi 1996:s. Fitnodat ásahuvvui daningo eiseválddit gáibidedje dan ja duogáš lei go šadde garraseabbo gáibádusat doapparčorgemii. Jus suohkanat livčče iešguđet sajes čorgen doabbariid, de livčče šaddan stuora golut, muhto ovttasbargu dagai doapparčorgema vejolažžan. Báikedoaluid doapparčorgema golut gokčojuvvojit doappardivada bokte.
Buot viesut sirrejit
Jahki 2006 lei dehálaš jahki Oafirii, go fitnodat juhkkojuvvui guovtti oassái. Oafir SGO čorge báikedoaluid doabbariid, ja fas doabbariid mat leat fitnodagain, daid mii sirddiimet ođđa fitnodahkii, Vefas Retur as.
Jagis 2003 de álge buot viesut ovttasbargosuohkaniin sirret ruskkaid dahje doabbariid. Dat mearkkašii ahte čáhppes doapparseahkka ii adnon šat beaivválaš doabbariidda, muhto seahkažat main leat iešguđetlágan ivnnit.
