-Almmuhus-
VALÁŠTALLANÁvvudit eambbo go dušše golli

Ávvudit eambbo go dušše golli

-

-

Romssa joavku, PSG, lei birgetmeahttun dán jagi Nilut Cupas. Sii vuite sihke golli, ja golbma eará bálkkašumi.

Bearjadaga vulge Romssa nieiddat Guovdageaidnui čiekčat spáppa. Sis lei dán jagi seamma mihttu go eará jagiid, namalassii vuoitit Nilut Cupa. Sii olahedje sihke iežaset mihtu ja vel eambbo.

 

Buoremus čiekči, eanemus moalat ja «Fairplay» -bálkkašupmi

PSG deaivvadii Buldoseriin finálas. PSG šadde beare buorit Buldoserii, ja Buldoser vuoittáhalai 4-3. Ii das nohkka, PSG oaččui vel «Fairplay» -bálkkašumi, sis lei buoremus čiekči ja ožžo eanemus moalaid.

– Máilmmi somá vuoitit Nilut Cupa ja vel suohttasit go oaččuimet «Fairplay» -bálkkašumi, dadjá Elin Beate Løvstad, gii šattai buoremus nissončiekčin.


BUOREMUS ČIEKČIT: Elin Beate Løvstad (PSG) ja Dag Andreas Balto (Nagirváre lunttat) šattaiga dán jagi buoremus čiekčin. Govven: Inger Marita Bals

 

Vuite vuosttaš geardde

Ovdagihti favorihtat, Nagirváre lunttat, deaivvadedje Álttá bártniiguin, Johansen´s utvalgte, finálas. Guhká lei 0-0, ovdal go Johansen´s utvalgte báhčigohte moalaid. Loahppaboađus lei 1-3, ja Álttá joavku vuittii Nilut Cupa vuosttaš geardde.


VUOITIT: Johansen´s utvalgte vuite Nilut Cupa vuohččan dán jagi. Govven: Inger Marita Bals

 

-Almmuhus-