Mátta-Várjjaga várresátnejođiheaddji ávvudii gáhkkuin go 110-guovddáža leat mearridan Girkonjárgii.
Várresátnejođiheaddji Lena Norum Bergeng, Mátta-Várjjagis ávvudii mannan bearjadaga go 110-guovddáža leat mearridan Girkonjárgii, dieđiha Mátta-Várjjaga gielda.
– Mii ávvudit go Finnmárkku lea ovttas čužžon dán áššis. Go lea juoidá maid mii háliidat, de leat ovttas mii dan nagodan. 110-guovddáš Mátta-Várjjagii lea vuoitun olles Finnmárkui, dadjá várresátnejođiheaddji Lena Norum Bergeng.
Nana kvaliteahta
Doavttir Espen Rafaelsen lei mielde ávvudeamen, son lea ovddasteaddji doavtterbálvalusas ja doavttervávttas gielddas ja lohká sii bohtet geavahit buot návccaid ahte 110-guovddáš lihkostuvvá.
– Mii háliidit váikkuhit dán proseassas ja mii boahtit geavahit návccaid vai oažžut nana kvaliteahta, dadjá Rafaelsen.
Gelbbolašbargosajit
Ráđđealmmái Nina Bordi Øvergaard oaivvilda mearrádusa maid direktoráhta servodatsihkarvuohta ja gearggusvuohta lea dehálaš Finnmárkui.
– Lei stuorra beaivi gearggusvuhtii Finnmárkkus ja gelbbolašbargosajit bissot Finnmárkkus. Mátta-Várjjat gielda boahtá leat mielde bidjat eanet gearggusvuođa sin beaivválaš bargui, dadjá Ráđđealmmái Nina Bordi Øvergaard.
