Ávvir lea dál sirdán ođđa abonnemeantavuogádahkii mii galgá álkidahttit sisabeassama ja geavaheami min neahttasiidduin.
Sirdima oktavuođas fertejit diŋgojeaddjit rievdadit beassansáni vuosttaš geardde go loggejit sisa ođđa neahttasiidduide.
Geavaheaddjenamma lea ain, nu go ovdal ge du e-poastačujuhus.
Buot diŋgojeddjiide, geaid e-poastačujuhus lea registrerejuvvon, lea sáddejuvvon e-poasta mas leat dieđut mo rievdadit beassansáni. Dasa lassin gávdno maid leaŋka beassansáni rievdadeami birra avvir.no neahttasiiddus.
– Dan oktavuođas go mii leat molson vuogádaga, de leat maid molson báŋkokonto mii lea čadnon diŋgomii. Dát dagaha muhtun rievdadusaid muhtin diŋgojeddjiide. E-faktura vejolašvuohta ii leat šat, muhto sis geain lea leamaš e-faktura, sáhttet neahttabáŋkkus ráhkadit «avtalegiro». Sis geain ovdal lea leamaš «avtalegiro» fertejit maid neahttabáŋkkus ráhkadit ođđa šiehtadusa. Mii sáddet muittuhusa e-poasttas sidjiide geaidda dat guoská, čilge Ávvira márkanfievrrideaddji, Ann-Siri Vesterslett.
Rehkegat rivdet
Seastindihte birrasa de sáddejuvvojit eanas rehkegat e-poastta bokte.
– Sis, geain lea e-poasta registrerejuvvon diŋgojupmái, ožžot dál rehkegiid e-poasttas. Jus ain sávat oažžut fysalaš báberrehkega, de fertet dieđihit dan midjiide ja mii fuolahit ahte oaččut rehkega, čilge Vesterslett.
– Mii šállošit go dát buktá rievdadusaid min diŋgojeddjiide, dadjá Vesterslett.
Jus lea dárbu veahkkái, de leat Ávvira kunddarbálvalusas gergosat veahkehit din.
– Mii sávvat ahte lohkkit váldet oktavuođa nu johtilit go vejolaš jus leat sivat neahttasiiddus. Jus leat geahččalan čuovvut čilgehusa it ge máhte molsut čoavddasáni, de áinnas jeara Ávvira kunddarbálvalusas veahki, dadjá Ávvira doaibmaossodaga jođiheaddji, Per Christian Biti.
Váldet oktavuođa abonnement@avvir.no dahje telefonnummar 934 40 700.
