-Almmuhus-
-Almmuhus-
OĐĐASAT Ávvira lohkkiide buoret lohkan­vásáhus

Ávvira lohkkiide buoret lohkan­vásáhus

-

-

Ávvir lea guhkit áigge bargan ođđa neahttasiidočovdosiin, mii galgá buoridit lohkanvásáhusa lohkkiide.  

Ávvir lea disdaga almmuhan iežaset neahttasiiddu ođasmahttojuvvon hámis, muhto fálaldagat leat ain dat seamma. 

– Neahttasiidu lea rievdaduvvon, ja galgá leat geahppaset lohkat áššiid go siidu lea vel buorebut heivehuvvon mátketelefovnnaide. Lohkkiide galgá maid leat álkibut gávdnat áššiid, seammás go midjiide šaddá geahppaset buvttadit áššiid, čilge Ávvira neahttadoaimmaheaddji Berit Marie Lise Eira.

Ávvira neahttadoaimmaheaddji Berit Marie Lise Eira. Vuorkágovva.
Ávvira neahttadoaimmaheaddji Berit Marie Lise Eira. Vuorkágovva.

Buvttadeapmi rievdá

Dat mii rievdá dál lea buvttadanvuohki, go buot journalistat buvttadit dál áššiid njuolga Ávvira neahttasiidui, ja bargiide rievdá buvttadanproseassa eanemusat. 

Go buvttadanproseassa manná njuovžileappot de ođđasat ja eará ságat, maid jovdet jođáneappot Ávvira geavaheddjiide.

Ávvira neahttadoaimmaheaddji lohká dál pláneme eanet fálaldagaid neahttasiidui.

– Mii leat pláneme eanet fálaldagaid boahtteáigái ja neahtas bohtet maid eanet rievdadusat dađistaga, lohká Eira.

Plussa áššiid lohkat

Ávvira diŋgojeaddjit gávdnet sisabeassama bajimusas neahttasiiddus. Doppe sáhtát «Mu siidui» beassat sisa jus leat diŋgojeaddji, ja sáhtát maid gávdnát dieđuid movt diŋgot aviissa. 

– Váldoulbmil rievdademiin lea čatnat neahttabuvttadeami lagabui báberbuvttadeami, lohká teknihkalaš jođiheaddji Per Christian Biti ja jáhkká ođđa čovdosa leat vel buorebun geavaheddjiide go ovdal.

Ávvira neahtasiiddus lea maid čilgehus movt válddát atnui sisabeassama jus dus ii leat dakkár. Daid dieđuid gávnnat neahttasiiddus vuolemusas.

- Advertisement -
-Almmuhus-