-Almmuhus-
Ávvir vuorbádii golbma vuoiti
Array

Ávvir vuorbádii golbma vuoiti

-

-

Giellavahkku oktavuođas lágidii Ávvir gilvvu masa máŋgasat serve.

Ávvir bivddii Ávvira sosiála mediakanálaid bokte lohkkiid sáddet cealkagiid ja sániid mat iežaset mielas ledje bures daddjon. 

Lagabui guoktelogiviđas serve gilvui olu buriid sániiguin ja cealkagiiguin. Muhtin čálii; «Don dieđát don leat riekta dahkan go váimmus lea ráfi». Muhtin fas čálii veahá oanehit cealkaga nu mo; «Girdi jalla». 

Vuoittut ja vuoitit

Loahpa loahpas vuorbádii Ávvir golbma vuoiti, geat bostii ožžot earret eará Ž design čállingirjji, mas duogábealde sátnevájas: «gielalaš olmmoš lea velggolaš buohkaid bálvalit», ja Inger-marie Oskala fuolkegohpu.

Maret Anne Bongo čálii e-boasttas:

– Lars Hætta čálii dalle sullii 170 jagi áigi ná sullii:«Nu guhkás mu beallji gullá, in leat gullan dan». Mu mielas somás dajaldat.

Sara Margrethe Skum Hætta čálii Ávvira Snapchatas:

– «Gáhtaša gákti ii guhko».

Sara Inger Siri Buljo čálii Ávvira Instagramii:

– Mun jerren «maid don hommet?». Vástidii «lean ruškkuha gomuheame njunevuollai.» (Vuollaga juhkame).

Ávvir sávvá vuitiide lihkku vuoittuin.

Almmuhit eará «bures daddjon» cealkagiid

Earát geat serve gilvui ožžot maiddái iežaset cealkagiid oaidnit Ávviris, dasgo Ávvira doaimmahusa mielas ledje sámegiel cealkagat dan mađe buorit.

Cealkagiid beassat Ávviris lohkat dađistaga.

-Almmuhus-