-Almmuhus-
KULTUVRA Ávvir lágida beassáš­konseartta – Doarjjo artisttaid ruđa­laččat

Ávvir lágida beassáš­konseartta – Doarjjo artisttaid ruđa­laččat

-

-

Dáhtut go ruovttus šleaŋggáhallat Rolf Amundseniin, Ivan Buljoin, Sara Ajnnakain, Marianne Penthain ja eará sámi artisttaiguin? Skilleduorastaga diibmu 21.00 lea avvir.no siiddus neahttakonsearta ja dan beasat návddašit nuvttá jus doalat Ávvira. Earáide máksá 50 ruvnnu ja nu sáhttá olles bearaš návddašit konseartta.

Doarjjo artisttaid nu ahte vippset/Svapet dahje Swishet njuolgga sidjiide DAHJE sáddet sin oktasaš vippsnummirii man Ávvir ja Altaposten hálddašit. Oktasaš vipps artisttaide lea : 29430 – čális AVVIR diehtun go vippset. Jus dán nummirii vippset, de dássidit juogadit sisaboađu buot artisttaid gaskkas.

– Mii bovdet dán erenoamáš áiggis áibbas earálágan ja amas beassáškonsertii ja mii sávvat olusat dáhttot geahččat dan ja ekonomalaččat doarjut sámi artisttaid geat dál leat massán dietnasa, lohká Ávvira váldoredaktevra Kari Lisbeth Hermansen.

Korona njoammodávda lea rievdadan buohkaid árgabeaivvi. Eanaš sajiin leat njuolggadusat dan hárrái ahte gallis sáhttet ovttas vánddardit ja gallis sáhttet čoahkkanit. Ovtta nuppi doaluid leat šaddan šluhttet ja artisttat leat okta dain geat leat massán dietnasa. Go beakkehii ahte visot doalut leat šluhttejuvvon, de ihtigohte neahttakonsearttat gos gehččiin lea vejolaš doarjut artisttaid earret eará vippsema bokte. Dál Ávvir ge čuovvula.

Ráhkkan dál juo

Jus leat ovdalaččas Ávvir-diŋgojeaddji, de beasat njuolga konsertii. Dágut fal ahte dus lea sisabeassan sátni. Jus ii leat, de váldde minguin oktavuođa ja mii ordnestat dan.  Oza dieđuid dáppe dahje sáddes maila: abonnement@avvir.no

Máksá 50 ruvnnu jus it leat Ávvir-diŋgojeaddji ovdalaččas. 50 ruvnnuin beassá olles bearaš geahččat konseartta, ja dasa lassin Ávvira ođđasiid lohkat mánu. Dáppe diŋgot Ávvira abonnemeantta ja daga dan dál juo, vai leat gearggus.

– Go diŋgot min aviissa, de sihkkarasttát maiddái journalisttaid bargosaji. Máŋga media leat juo šaddan permiteret bargiid, ja dan eat dáhtošii mii, lohká Hermansen.

Oktasaš ja priváhta VIPPS – SWISH

Konsertii servet artisttat geat leat eret sihke Suomas, Ruoŧas ja Norggas. Sivas go ii sáhte vippset Ruoŧa beale artisttaide ja nuppe ládje, de geavahit maiddái Altapostena VIPPS. Jus dán nummirii vippset, de dássidit juogadit sisaboađu buot artisttaid gaskkas. Oktasaš VIPPS: 29430 Čális dieđu: AVVIR vai diehtit sihkkarit ahte dát ruhta galgá artisttaide. 

– Geavat áinnas dan oktasaš vippsa, muhto jus fal háliidat njuolgga artistii vippset, de gávnnat sin vippsa dahje swisha dán artihkkala govain, Facebook event-siiddus dahje juo šearpmas dan botta go artisttat lávlot. Lea lohpi dál juo vippset jus fal lea miella. Mun sávan min artisttat ožžot buori sisaboađu, nu ahte ávžžuhan rabastit ruhtaburssa dál go juo eat beasa eará konsearttaide ovdal go dát Covid19 áigi lea nohkan, ávžžuha Hermansen.

Maŋŋel konseartta vuorbáda Ávvir 5000 ruvdnusaš skeaŋkagoartta artisttaid searvvis.  

JA DE DIEĐUSGE LEA MIS GILVU GE: Mii vuorbádat 10 flaksavuorbbi!  Bidjal Instagramii gova dahje filmma du dánsenláhtis dahje dan botta go juoiggat olles čoddagin ja gilkurastte dan: #avvirkonsearta 

Ávvir vuordá vel moatti artisttas vástádusa leago vejolaš searvat. 

ARTISTTAT JA VIPPSNR:

SARA AJNNAK: VIPPS: SWISH: +46702094306 Sara Ajnnak lea ožžon bálkkašumi iežas skearru «Guldalit» ovddas Ruoŧa Álbmot- ja máilmmigállas. Son lea maiddái bálkkašuvvon New Yorkas. Illut su guldalit go sus lea duohta jietnafápmu. Ajnnak preassagovva
SARA AJNNAK: VIPPS: SWISH: +46702094306 Sara Ajnnak lea ožžon bálkkašumi iežas skearru «Guldalit» ovddas Ruoŧa Álbmot- ja máilmmigállas. Son lea maiddái bálkkašuvvon New Yorkas. Illut su guldalit go sus lea duohta jietnafápmu. Ajnnak preassagovva
ROLF AMUNDSEN: VIPPS: 47232200 (olbmá nummir) SWISH: +46705096889  Rolf Amundsen, gean bures dovdat Rolffa joavkkus, ássá dál Ruoŧas. Son lea aiddobáliid almmuhan soloalbumma «Elenfaččat»ja R & GM singel «Yamaha» Son illuda searvat earálágan beassáškonsertii. Dán gova lea váldán dan botta go hárjehallá konsertii. GOVVA: priváhta
ROLF AMUNDSEN: VIPPS: 47232200 (olbmá nummir) SWISH: +46705096889  Rolf Amundsen, gean bures dovdat Rolffa joavkkus, ássá dál Ruoŧas. Son lea aiddobáliid almmuhan soloalbumma «Elenfaččat»ja R & GM singel «Yamaha» Son illuda searvat earálágan beassáškonsertii. Dán gova lea váldán dan botta go hárjehallá konsertii. GOVVA: priváhta
EIRA VIPPS: 602171  Oappášguoktá Anne Inger Eira Lilleng  ja Marit Elisabeth Eira gal dovdat bures. Soai leaba fárrolagaid searvan Sámi Grand Prixas diibmá lávlagiin «Eallin lea dál»  ja 1997:s ge ja dalle lávlagiin «Don» man gal leat gullan soames geardde. Soai galggaige dán ge jagi searvat SGP:S, muhto nu go diehtit, de musihkkagilvu lea maŋiduvvon. Dál gulat sudno dás Ávviris. Soai leaba bádden iežaska oasi návehis! GOVVA: priváhta
EIRA VIPPS: 602171  Oappášguoktá Anne Inger Eira Lilleng  ja Marit Elisabeth Eira gal dovdat bures. Soai leaba fárrolagaid searvan Sámi Grand Prixas diibmá lávlagiin «Eallin lea dál»  ja 1997:s ge ja dalle lávlagiin «Don» man gal leat gullan soames geardde. Soai galggaige dán ge jagi searvat SGP:S, muhto nu go diehtit, de musihkkagilvu lea maŋiduvvon. Dál gulat sudno dás Ávviris. Soai leaba bádden iežaska oasi návehis! GOVVA: priváhta
SAARA HERMANSSON 29430 (Oktasaš artista-vipps. Čális diehtun: ÁVVIR go vippset) Son vuittii 2019:s Sámi Grand Prix lávlagiin «Mov laavlome//Min sang» ja lea leamaš beakkán artista dan rájes. Dál nuorra máttasápmelaš, gii čállá eanaš iežas lávlagiid ieš, searvá Ávvira neahttakonsertii. Jus sutnje vippset, de skeŋke son dan iežas sámesearvái. Hermansson preassagovva
SAARA HERMANSSON 29430 (Oktasaš artista-vipps. Čális diehtun: ÁVVIR go vippset) Son vuittii 2019:s Sámi Grand Prix lávlagiin «Mov laavlome//Min sang» ja lea leamaš beakkán artista dan rájes. Dál nuorra máttasápmelaš, gii čállá eanaš iežas lávlagiid ieš, searvá Ávvira neahttakonsertii. Jus sutnje vippset, de skeŋke son dan iežas sámesearvái. Hermansson preassagovva
ÁMMUN JOHNSKARENG: VIPPS: 2793  Badjelaš 30 jagi lea son min guoimmuhan. Dál lea Ámmun Johnskareng ođđa CD «Jođus ain» viimmat ilbman. Ođđa CD:s guossuha sihke ođđa lávlagiid ja soames oahpes klassihkkariid. Ávvira neahttakonsearttas beasat gullat goit ovtta daid ođđa lávlagiin. Su lávlagiidda eat dolkka goassege! GOVVA: Priváhta
ÁMMUN JOHNSKARENG: VIPPS: 41679491  Badjelaš 30 jagi lea son min guoimmuhan. Dál lea Ámmun Johnskareng ođđa CD «Jođus ain» viimmat ilbman. Ođđa CD:s guossuha sihke ođđa lávlagiid ja soames oahpes klassihkkariid. Ávvira neahttakonsearttas beasat gullat goit ovtta daid ođđa lávlagiin. Su lávlagiidda eat dolkka goassege! GOVVA: Priváhta
KALLE URHEIM VIPPS:  598017  Kalle Urheim lea olu konsearttain lávlun ja doppe gos son lávlu, doppe lea spagga dievva. Sus lea dakkár jietna mii ravge du stuolus eret. Aivve viđežiid ja guđežiid gal lea ožžon go aviissat leat árvvoštallan su. Guovvamánus ilmmai vel sus CD Luksa/Eastbound. Illut! GOVVEN: Steinar Solaas
KALLE URHEIM VIPPS:  598017  Kalle Urheim lea olu konsearttain lávlun ja doppe gos son lávlu, doppe lea spagga dievva. Sus lea dakkár jietna mii ravge du stuolus eret. Aivve viđežiid ja guđežiid gal lea ožžon go aviissat leat árvvoštallan su. Guovvamánus ilmmai vel sus CD Luksa/Eastbound. Illut! GOVVEN: Steinar Solaas
INGÁ-MÁRET GAUP JUUSO: VIPPS: 45676160 Mii dovdat Ingá-Máret Gaup Juuso buoremusat Tundra Electro joavkkus. Joavku lea guovvamánus almmuhan vuosttaš skearru, «Eanan gamáđa». Dál lea son maid Romssa Fylkkajuoigi ja nu boahtit olu gullat su boahtteáiggis. Dál searvá son Ávvira neahttakonsertii ja illuda sakka dinguin deaivvadit.  GOVVA: Priváhta
INGÁ-MÁRET GAUP JUUSO: VIPPS: 45676160 Mii dovdat Ingá-Máret Gaup Juuso buoremusat Tundra Electro joavkkus. Joavku lea guovvamánus almmuhan vuosttaš skearru, «Eanan gamáđa». Dál lea son maid Romssa Fylkkajuoigi ja nu boahtit olu gullat su boahtteáiggis. Dál searvá son Ávvira neahttakonsertii ja illuda sakka dinguin deaivvadit.  GOVVA: Priváhta
MARIANNE PENTHA VIPPS: 90878231 Marianne Pentha lea searvan The Voice gilvvuin ja dan maŋŋel lea son beaggán bures. Maŋimuš maid Marianne dagai lei lávlut Frozenis ja nevttii Elsa! Mii illudat! GOVVA: Priváhta
MARIANNE PENTHA VIPPS: 602567 Marianne Pentha lea searvan The Voice gilvvuin ja dan maŋŋel lea son beaggán bures. Maŋimuš maid Marianne dagai lei lávlut Frozenis ja nevttii Elsa! Mii illudat! GOVVA: Priváhta
IVAN BULJO VIPPS: 29430 (Oktasaš artista-vipps. Čális diehtun: ÁVVIR go vippset) 1996:s vuittii su áhčči Sámi Grand Prix lávlagiin «Go beaivváš badjána». 24 jagi maŋŋel beasai Ivan Buljo covret lávlaga. Dál lea son okta daid sámi artisttain gean guldalat oba olu Spotifys ja son lea geargan oanehaš bottas oba olu lávddiin čuojahit! GOVVA: Priváhta
IVAN BULJO VIPPS: 29430 (Oktasaš artista-vipps. Čális diehtun: ÁVVIR go vippset) 1996:s vuittii su áhčči Sámi Grand Prix lávlagiin «Go beaivváš badjána». 24 jagi maŋŋel beasai Ivan Buljo covret lávlaga. Dál lea son okta daid sámi artisttain gean guldalat oba olu Spotifys ja son lea geargan oanehaš bottas oba olu lávddiin čuojahit! GOVVA: Priváhta
EMIL KARLSEN VIPPS: 40229177  Emil Karlsen lea lávlu ja gitarista Resirkulert joavkkus. Mearrasámi bárdni lei diibmá nammaduvvon Riddu Riđu nuorra artistan ja dál nuorra artista searvá Ávvira beassáškonsearttas.  GOVVEN: Ørjan Marakatt Bertelsen
EMIL KARLSEN VIPPS: 40229177  Emil Karlsen lea lávlu ja gitarista Resirkulert joavkkus. Mearrasámi bárdni lei diibmá nammaduvvon Riddu Riđu nuorra artistan ja dál nuorra artista searvá Ávvira beassáškonsearttas.  GOVVEN: Ørjan Marakatt Bertelsen
KATARINA BARRUK: Swish: +4670 383 44 90 Vips: 958 54 632 (Katarinas čuojaheaddji) Katarina Barruk lávlu upmisámegillii mii lea UNESCO listtus áitojuvvon gielaid badjel. Dán giela dáhttu son várjalit ja su erenoamáš čáppa jienain sihkkarit nagoda dan! Diibmá bálkkašuvvoi son «Guldäpplet»nammasaš bálkkašumin eamiálbmogiid giellajagi oktavuođas.   GOVVEN: Helleday Arts
KATARINA BARRUK: Swish: +4670 383 44 90 Vips: 958 54 632 (Katarinas čuojaheaddji) Katarina Barruk lávlu upmisámegillii mii lea UNESCO listtus áitojuvvon gielaid badjel. Dán giela dáhttu son várjalit ja su erenoamáš čáppa jienain sihkkarit nagoda dan! Diibmá bálkkašuvvoi son «Guldäpplet»nammasaš bálkkašumin eamiálbmogiid giellajagi oktavuođas.   GOVVEN: Helleday Arts
Sara Marielle Gaup Beaska VIPPS: 95557256  Sara Marielle lea árbevirolaš juoigi ja lea juoigan oba máŋgga sajiin máilmmis. Mii dovdat su bures Árvvas joavkku juoigin ja su garra áŋgiruššama sámi vuoigatvuođaid ovddas lávddis ja muđuidge. Dál, koronaepidemiija dihte lea šaddan šluhttet visot beassášdoaimmaid ja juoiggada dál baicce lávus Fanasgiettis.
Sara Marielle Gaup Beaska VIPPS: 95557256  Sara Marielle lea árbevirolaš juoigi ja lea juoigan oba máŋgga sajiin máilmmis. Mii dovdat su bures Árvvas joavkku juoigin ja su garra áŋgiruššama sámi vuoigatvuođaid ovddas lávddis ja muđuidge. Dál, koronaepidemiija dihte lea šaddan šluhttet visot beassášdoaimmaid ja juoiggada dál baicce lávus Fanasgiettis.
- Advertisement -
-Almmuhus-