Ávvir divvu go ii leat áibbas čielgasit boahtán ovdan ahte Guovdageidnui ii leat mearriduvvon huksejuvvot ođđa skuvla ja mánáidgárdi, dušše ovdaprošeakta lea biddjon johtui.
Mannan vahkus čálii Ávvir ahte Guovdageainnu suohkanstivrras mearridedje bidjat johtui divodit Máze skuvlla, nu ahte galgá šaddat bajásšaddanguovddážin gos lea sihke mánáidgárdi ja skuvla.
Seamma áššis sáhttá ipmirduvvot ahte Guovdageainnu suohkanstivra lea mearridan álgit hukset sihke ođđa skuvlla ja mánáidgárddi Guovdageidnui.
Juolludan ruđa ovdaprošektii
Guovdageainnu suohkanstivrras mearridedje juolludit 15 miljovnna ovdaprošektii gos galget guorahallat beliid jus galgá ođđa skuvla huksejuvvot.
Seamma čoahkkimis maid juolludii Guovdageainnu suohkanstivra 3,5 miljovnna ruvnno ovdaprošektii guorahallat beliid jus galgá ođđa mánáidgárdi huksejuvvot 55 mánnái, ja bisuhit Beahcedievá mánáidgárddi.
Nu ii leat vuos mearriduvvon galgá go Guovdageidnui huksejuvvot ođđa skuvla ja mánáidgárdi vai ii.
