-Almmuhus-
OĐĐASATÁvvir borjasta miehtebiekkas

Ávvir borjasta miehtebiekkas

-

-

Ávvirapositiiva lohkkiidloguidovdáneapmi joatká. Ávvira váldodoaimmaheaddji Kari Lisbeth Hermansen lohpida lohkiide ođđa fálaldagaid.

– Boahtte vahkkus ođasmahttit min neahttasiiddu, vai šaddá lohkkiide vel buoret vásáhus lohkat Ávvira sihke mobiilatelefovnnas ja dihtoris. Mii maid leat pláneme ođđa digitála fálaldagaid fállagoahtit čavčča ja dálvvi mielde, nu go ovdamearkka dihte podcast, dadjá Ávvira váldodoaimmaheaddji Kari Lisbeth Hermansen.

 

Dehálaš bissut

Gaskvahkku almmuhuvvo aviissaid dán jagi 1. jahkebeali lohkkiidlogut.

Dan 227 aviissas mat dáin loguin leat mielde, lassánit lohkkiidlogut 113 aviissas.

Ávvir lea dáid aviissaid gaskkas main lohkkiidlogut lassánit.

–  Ii leat stuorra ovdáneapmi, muhto nu guhká go leat plussalogut de lea buorre, mii leat duhtavaččat dainna, dadjá Hermansen.

 

Nanu deaddilanlogut

Logut čájehit ahte eanas mediaásahusain Finnmárkkus lea positiiva ovdáneapmi.

Ávvir (+42), Finnmark Dagblad (+166),  Finnmarkspostenis (+84), Altaposten (+83), Kronstadposten (+36), Kyst og Fjord (+140) ja Svalbardposten (+19).

Ságat manai mannan áigodaga garrasit ruovttoluotta (-15) , muhto dál lea áviisalohku fas rivttesbealde (+15). 

Dain mediaásahusain Finnmárkus eai leat fas nu positiiva logut:  Finnmarken (-3), Hammerfestingen (-83) , Sør-Varanger Avis (-134) ja Østhavet  (-70).   

Eará Davvi-Norgga áviisa logut nugo Saltenposten (+112), Snåsingen (-55), Framtid i Nord (+4), Nordlys (+522), ITroms (-91).

 

Digitálaviissa lohkkit lassánit                

Ávvir vásiha ain dan seamma maid olu eará aviissat,  digitálaaviissadiŋgojeaddjit fas lassánit ja  báberaviiissa lohkkiidlohku njiedjá.

Ávvira lea ge maŋimuš jagiid vuoruhan digitála sisdoalu. 

–  Mis lea neahttavuoruheapmi leamaš ja leat olahan eanet olbmuide dainna, muhto vuoruhit báberáviissa nu guhká go olbmot sihtet dan, dan mii doalahat vihtta beaivvi vahkkus, dadjá Hermansen.

– Mun lean maid ilus go nubbi sámi áviissas, Ságat aviissas,  leat plussalogut, dadjá Hermansen vel.

 

Ságat maid ovdána

Ságat áviissa váldodoaimmaheaddji, Geir Wulff, lea duhtavaš vaikke ii leat nu olu ovdáneapmi.


Ságat aviissa váldodoaimmaheaddji, Geir Wulff. Govven: Nils Johan Vars (vuorkágovva)

– Vaikke eai leat go 15 ođđa diŋgojeaddji mis, de leat duhtavaččat. Neahta beale lea vel stuorát beroštupmi leamaš, muhto lea báberáviisa maid vuoruhit, dadjá Wulff.

 

Sihtet digitála fálaldaga

Ságat ovdána fas sakka digitála beale ja Wulff oaivvilda ođđa poasta ortnegat dagahit ahte báberáviissa lohkkit unnot. 

– Poasta lea gáržžidan iežas doaimma ja distribušuvdna hedjonan, jáhkán olbmot dan dihte sihtet digitála fálaldaga, dadjá Wulff ja lohká iežas gal obbalaččat duhtavaš nu guhká go lea plussa beale lohku.

-Almmuhus-