-Almmuhus-
-Almmuhus-
-Almmuhus-
KULTUVRAÁvvir árvvoštallá SGP juoiganoasi

Ávvir árvvoštallá SGP juoiganoasi

-

-

Dán jagi, nu go ovdal ge lea Ávvir árvvoštallamen Sámi Grand Prix luđiid ja lávlagiid.

Dán jagi ii leat vejolaš čađahit doaluid fysalaččat nu go ovdal, nu ahte buot oassálastit leat báddejuvvon ovdagihtii.

Ávvir lea ožžon veahki hárjánan juoigis Biret Ristin Saras árvvoštallat dán jagáš luđiid ja juigiid. Erenoamáš dán jagi lea ahte ii lean makkár ge generálageahččaleapmi man Ávvir beasai čuovvut, ii ge leat ožžon oaidnit ii ge gullat luđiid ovdagihtii. Mii leat čuvvon Grand Prix sáddaga TV:s ja eat ge leat beassan gullat luđiid eambbo go oktii. 

Leaba Elle Gaup-Johansen ja Håkon Mudenia geat láidesteaba dán jagáš Sámi Grand Prix sáddaga

Loga maid:
Sámi Grand Prix 2021 juoigan­oasi oasse­váldit

1. Johan Anders Oskal – Vilba, Per Thomas

VILBEALI: Johan Anders Oskal juoigá iežas vilbeali Per Thomas Oskala. Govva: Sápmi Distribution
VILBEALI: Johan Anders Oskal juoigá iežas vilbeali Per Thomas Oskala. Govva: Sápmi Distribution

Vuosttaš geardde mielde SGP:s.

Juoigá vilbba ja dajahallá Stállonjáráldduid. Juoigá duođas ja luohti doamahallá. Govahallá dego jođánis olbmo eallingearddi.

Álkis nuohttahápmi man olmmoš čuovvula oalle álkit. Muittuha dološmállet oarjjabealejuoigama. Čárvvočalmmiid juoigá. Ii nu hárjánan lávddis gal oro. Ollu dajahallá siiddastallan sániid.

2. Ellen Ravna A. Triumf – Maikela Lena

NIEIDDA: Elen Ravna Triumf juoigá iežas váhkarnieidda, Lena Kristine. Govva: Sápmi Distribution
NIEIDDA: Elen Ravna Triumf juoigá iežas váhkarnieidda, Lena Kristine. Govva: Sápmi Distribution

Vuosttas geardde mielde juoiganoasis. Elle lea ollu juoigan ja lávlun ja dovddus dakko bokte.

Luohti ii leat gal moalkái ja mohkkái, ja lea vuogas gullat go luođis leat sánit maid. Son juoiggada geahppasit šearus jienain, ja orru movttegis olbmo juoigamin, ja luohti nu álkit ovdána.

Ii nu leaktu, govveda mo son vázzá. Su nuoramus nieidda juoigá. Orru dego veahá rahčame alimus mohkiid.

3. Máhtte Ánte J. Sara – Karen Marianne

EAMIDA: Máhtte Ánte J. Sara juoigá iežas eamida, Karen Marianne. Govva: Sápmi Distribution
EAMIDA: Máhtte Ánte J. Sara juoigá iežas eamida, Karen Marianne. Govva: Sápmi Distribution

Nuorabuš juoigi. Hárjánan fal juoigat. Vuogas mohkit luođis, man deattasta heivvolaččat ja vuohkkasit.

Dat dagaha luođi eallaseabbun ja suohttaseabbun gullat. Buorre jietna fal juoigis lea.

Luohti bođii dalle go leigga náitaleamen. Olgeš giehta gal vuolgá go eamida juoiggasta nu vuohkkasit.

Dajahallá nu čehpet. Ja luohti nu vuogas mii ii muittut mange ođđa ráhkaduvvon luođi. Njuovžilit fal manada ja ieš vel mojohallá.

4. Jörgen Stenberg – Mathias Larsson

OLBMÁ: Jörgen Stenberg juoigá Mathias Larssona luođi man ieš lea bidjan. Govva: Sápmi Distribution
OLBMÁ: Jörgen Stenberg juoigá Mathias Larssona luođi man ieš lea bidjan. Govva: Sápmi Distribution

Son lea dovddus ja hárjánan juoigi. Dát juoiganmálle lea áibbas earálágan go davvisámi luođit.

Vuogas gullat go dán mállát luohtesuopman lea maid mielde ja go son čehpet stoagada luđiin ráfálaččat, ja jienain herve luođi.

Mánnávuođas juo juoigan ja gullá boazodollui. Lea su fuolkki luohti. Dajahallá duokkot dákko. Fámolaččat fal nuhtteda, ja dovdo hárjánan lávdejuoigi. Jietna nu buorre ja nagoda fal hui roahkka.

5. Nils Peder A. Gaup – Sara Risten Susanna

VÁHKARNIEIDDA: Nils Peder A. Gaup juoigá iežas váhkarnieidda, Sara Risten Susanna.  Govva: Sápmi Distribution
VÁHKARNIEIDDA: Nils Peder A. Gaup juoigá iežas váhkarnieidda, Sara Risten Susanna.  Govva: Sápmi Distribution

Lea ovdal searvan. Iežas n

uoramus nieidda luohti.

Nils Peder lea máŋgii oassálastán SGP:s ja leat oahppásat su juoiganvuohkái. Oalle máŋgii geardduha luođi álgoosiid ovdal luohti badjána melodiijalaččat váldo mohkkái.

Davvi sámi klassihkalaš sániid vel gurgala hearvan go govahallá. In dieđe leašgo mokta vai mii, muhto duođas fal rohtteha son. Šuokŋa bođii meahcis mii dego gullo luođis.

6. Hanna-Maaria Kiprianoff – Mannu maainâs

RISTNIEIDDA: Hanna-Maaria Kiprianoff juoigá giela massima ja máhcaheami birra, ja mo lea eallima lossa geainnuid vázzit. Govva: Sápmi Distribution
RISTNIEIDDA: Hanna-Maaria Kiprianoff juoigá giela massima ja máhcaheami birra, ja mo lea eallima lossa geainnuid vázzit. Govva: Sápmi Distribution

Ovdal lea searvan. Mánnu maainás – leud. Ristnieidda levdeda, gii doalvu ovddas sin kultuvrra.

Nuortalaš luohtemálle man Hanna-Maaria bures ja oadjebasat juoigá.

Lea áibbas eará lágan vuohki go ovdamearkkadihte davvisámi juoiganmálle. Melodiija manná hui siivvut ja das eai leat nu olu mohkit. Olles melodiijas lea čađat teaksta.

Lea ráfálaš leudde man son ovdanbuktá. Ráfálaččat leudeda. Starggas fal juoigat iežas vuogi mielde.

7. Nils Lars Nilsen Eira – Jon Andreas Rognerud Eira

VILBEALI: Nils Lars Eira juoigá iežas vilbeali, Jon Andreas Rognerud Eira. Govva: Sápmi Distribution
VILBEALI: Nils Lars Eira juoigá iežas vilbeali, Jon Andreas Rognerud Eira. Govva: Sápmi Distribution

Gullo ahte dát juoigi lea ollu juoigan. Luohti manada hui vuohkkasit, ja lea badjeolbmuid juoiganmálle.

Luohti šattai jođánit ja Jon Andreas nammašuvai, son gii lea jođánis ja lášmes olmmoš.

Ii ollus teaksta meahcis bođii luohti. Bajeluohti, man nu čehpet gevleda, ii oro nu jođánit luohti mannamin.

Váldá guhkebuš bottu gaskan ovdal fas joatká, ja fas juoiggasta hui miellagiddevaš luođi.

8. Domna Khomjuk – Parrša vigket

ÁRBEVIROLAŠ: Domna Khomyuk oassálastá leu´ddain «Parrša vigket». Leu´dda lea árbevirolaš šuokŋa masa Domna ieš lea bidjan dajahusaid. Govva: Sápmi Distribution
ÁRBEVIROLAŠ: Domna Khomyuk oassálastá leu´ddain «Parrša vigket». Leu´dda lea árbevirolaš šuokŋa masa Domna ieš lea bidjan dajahusaid. Govva: Sápmi Distribution

Áillohaš bálkkašumi ožžon ovdal. 

Nuorra badjeolbmo juoigá mii ribaha hágganit ealu duoddaris. Leueda hui nanu jienain, ja balvvat ja borga birastahttet su lávddis. Fáhkka rievdada jietnadási, dat lea maid gelddolaš ja herve luođi hui čehpet, ja fas rievdada jietnadási mii lei hui vuorddekeahttá.

Son lea hárjánan leudejeaddji. Diehtá bures mo leudet galgá, ja dan gullá go son oadjebasat ja bastilis jienain leude. Dát lea sierralágan luohtemálle nuortalaš ruoššabeale sámis.

Lea ollu teaksta nugo leuden leage. Dat lea olles muitalus, man galggašii áddet vai beassá buorebut leudei fárrui. Čábbát gárvodan iežas mállet gávttiin.

9. Nils Johan Gaup – Niillas Elle Sara

OAMBEALI: Nils Johan Gaup juoigá iežas oambeali, Niillas Elle Sara, dahje Elle Sara Bals. Govva: Sápmi Distribution
OAMBEALI: Nils Johan Gaup juoigá iežas oambeali, Niillas Elle Sara, dahje Elle Sara Bals. Govva: Sápmi Distribution

Sogaluođis inspirašuvnna viežžan, ja Elle Sárá riegádanbeaivvi bođii luohti. Álkis luohti man álkit fáhte olmmoš.

Vuhtto ahte lea nissonolbmo luohti.

Buorre fal jietna, ja ollu fal juoigan dáidá go šerres jienain juoiggada. Ja oadjebasat ja roahkkadit juoiggada dološ málle mielde.

10. Kim Hallgeir Berg – Anna Mathilde

RISTNIEIDDA: Kim Hallgeir Berg juoigá iežas ristnieidda, Anna Mathilde. Govva: Sápmi Distribution
RISTNIEIDDA: Kim Hallgeir Berg juoigá iežas ristnieidda, Anna Mathilde. Govva: Sápmi Distribution

2019 SGP vuoiti. Reŋgodettiin ráhkadii luođi ealu luhtte.

Stuorra fal luohti go lea máná luohti, ristnieidda juoiggada nu vuohkkasit. Eai ollus dajahusat.

Ieš fal luođi mielde sojada, son gal lea buorre fal juoigat.

-Almmuhus-