Dat lei bearjadaga go guokte kiinnálaččat ohce divššu Avvilis Suomas go leigga buohccán. Sudnos válde iskosiid ja bearjadaga eahkedis bođii diehtu ahte sudnos ii lean corona- dávda dieđihit suoma Yle.
Dat guokte kiinnálačča leigga boahtá Wuhan guovllus Kinas gos corona dávda dal leabbá. Ja soai leigga girdán Norgga čađa Gardermoenis Girkonjárgii.
Outi Liisanantii, suohkandoavttir Anáris dadjá suoma Yle kanálii ahte lea geahpádus ahte ii lean corona dávda sudnos. Muhto ahte lea dábálaš infekšuvdna mii lea boahtán daid guokte kiinnálaččaide Avvilis čállá NTB.
Corona dávda
Kiinnálaš dutkit navdet ahte corona dávda mii bohtá geahppáide lea njommon olbmuide go leat vuovdán vildda eallit lobiheamit márkanis Kiinnás, Wuhun guovllus.
Dal kina eiseválddit leat bidjan mátkkoštan gildosa 18 gávpogiin Hubei-provinsenas guovllus gos dávda boahtá. Dat váikkuha 56 miljovnna olbmo čállá NTB.
Dávda gávdnon Europás
Dal dieđihit fránska eiseválddit ahte dávda lea gávdnon golbma olbmuin Fránskkas. Guovttis leaba Bordeaux buohcceviesus ja goalmmát fas Parisas. Sii galget buohkat leamas mátkkis Kinas.
Kinas leat dieđihuvvon otnážii 41 olbmo jápmán corona- dávdii ja badjel duhát olbmo njommojuvvon.
Dávda gávdno dal Kiinas, Frankrikes, Japanis, Nepalas, Singapores, Taiwanas, Lulli-Koreas, Thailanddas, Vietnamas, Ameriikas, Austrailas ja Malaysias.
Muhto máilmmidervašvuođaorgánišasuvdna (WHO) dieđihit ahte ii lea vel globála dervvašvuođaheahti.
