Norgga eanandoalloministtar Sylvi Listhaug ja Ruoŧa giliministtar Sven-Erik Bucht leaba čoahkkinastán norgga-ruoŧa boazoguohtunsoahpamuša birra.
Norgga eanandoalloministtar Sylvi Listhaug ja Ruoŧa giliministtar Sven-Erik Bucht leaba čoahkkinastán norgga-ruoŧa boazoguohtunsoahpamuša birra.
– Dat lei ávkkálaš čoahkkin gos sámi ovddasteaddjit besse čilget árvalusaideaset ja vástidit min gažaldagaide. Mun lean duđavaš go beasaimet doallat dán čoahkkima ja go buohkat oidnet dárbbu soahpat ođđa soahpamuša, lohká eanandoallo- ja biebmoministtar Sylvi Listhaug.
Listhaug deaivvadiige ikte Ruoŧa giliministariin Sven-Erik Buchtain, ságastallat ođđa norgga-ruoŧa boazoguohtunsoahpamuša birra. Čoahkkimis Lulejus, ledje maiddái Norgga ja Ruoŧa sámedikkiid ovddasteaddjit, ja ealáhusorganisašuvnnat NBR ja Ruoŧa Sámiid Riikkasearvi.
Čoahkkimis digaštalle sámi bargojoavkku rievdadusárvalusaid soahpamuššii man šihtte 2009:s.
– Norgga ja Ruoŧa eiseválddiin lea oktasaš mihttu ratifiseret ođđa soahpamuša 2016:s. Lea buorre go sámi ovddasteaddjit čielgasit ovddidit ahte lea dárbu jođánit gárvet ođđa soahpamuša, dadjá Listhaug.
Norgga ja Ruoŧa eiseválddit vástidit nu jođánit go vejolaččat maid eiseválddit oaivvildit rievdadusárvalusaid hárrái. Ođđa soahpamuš vuolláičállui jo 2009:s, muhto go sámit, erenoamážit ruoŧabeale sámis, leat garrasit moaitán soahpamuša, de eai leat eiseválddit vel ratifiseren soahpamuša.
2014:s árvalii sámi bargojoavku oktasaš rievdadusaid soahpamuššii.
