Boahtte guokte vahkku lea čakčaluopmu iešguđetge guovlluin riikkas, muhto Avinor vuordá unnit mátkkošteddjiid.
– Vaikko mii mannat áigodahkii go dábálaččat lea olu johtolat, de oaidnit ahte johtolat, mii bođii geasset, lea bisánan, dadjá Avinora johtolatovddideami direktevra Gaute Skallerud Riise.
Čakčaluopmu ii oro leamen spiehkastat. Oslo girdišilljui bohtet badjelaš 25 000 mátkkošteaddji muhtun beivviid. Dát lea vuollegis lohku buohtastahtton diimmážiin, goas ledje badjel 100 000 mátkkošteaddji muhtun beivviid.
Avinor dáhttu mátkkošteddjiid čuovvut mielde girdifitnodagaid dieđuid njálbmesuodjalusa birra.
(©NTB)
