Avinor lea mearridan rahpat girdišiljuid fas geassemánu 1. beaivvi rájes.
Avinor mearridii giddet ovcci oanehisgirdišilju buot gávppálaš girdimiidda njukčamánu 18. beaivvi. Dat dahkkui vai sáhtte sirdit bargiid ja reaidduid eará girdišiljuide.
Dađistaga go servodat rahppo fas, de lea girdišiljuid rahpan árvvoštallojuvvon. Avinor lea dál mearridan rahpat girdišiljuid geassemánu 1. beaivvi rájes.
– Rahpamis de láhčit buori fálaldaga buohkaide geat dárbbašit áibmojohtolaga dáin guovlluin, dadjá Avinora konseardnahoavda Dag Falk-Petersen.
(©NTB)
