Avinor lea manahan miljárdda ruvnno dan botta go koronaroassu lea čuohcan áibmojohtolahkii, muhto dán rádjái ii leat oktage permitterejuvvon.
Dan botta go girdifitnodagat permitterejit vaikko man olusiid, de vuordá Avinor bargiid permitteremiin, čállá neahttaaviisa Flysmart24.no.
Fitnodagas, mii doaimmaha 44 girdišilju, lea leamašan 68 proseantta njiedjan gálvojođus dán rádjái buohtastahttojuvvon diimmá ektui. Dietnasa njiedjan lea sullii 1 miljárdda.
Avinor árvvoštallá iešguđetge golahangeahpedemiid, nu guhká go eai čuoza nationála gearggusvuhtii man fitnodat lea geatnegas sihkkarastit.
