Vurdojuvvo dánsun Riddu Riđus go Austrália musihkkajoavku OKA boahtá árbevirolaš didjeriduguin.
Austrália OKA lea čadnon iežas riikka eamiálbmothistorjái ja geavaha dan duogážin ráhkadit musihka. Lea ođđaáigásaš ovdanbuktinvuohki, ja leat seaguhan árbevirolaš didjeridugeavaheami urbána elektronikain.
– Lea joavku mii fátmmasta boahtteáiggi seammás go váldet vára máttuin, ja ráhkadit maiddái buori musihka masa sáhttá dánsut, dadjá festiválahoavdda Sandra Márjá West.
Snotty Nose Rez Kids ja Violet Road leat jo duođaštuvvon ahte leat vuolgimin Riddu Riđđui.
