AUF-jođiheaddji Astrid W.E Hoem dajai Ráđđehuskvartála suoidnemánu 22. beaivvi čalmmusteamis ahte boahttevaš 10 jagiid ferte dáistalit vaši.
– Logi jagi maŋŋel fertet hupmat duođaid. Mii eat leat bissehan vaši, dajai Hoem.
Dat heakkavárálaš rasisma ja olgešekstremisma eallá ain, dajai AUF-jođiheaddji su sártnis Ráđđehuskvartálas.
– Duohtavuohta daid maŋimuš logi jagiin lea historjá vašudáistaleamis mii ii goassege dahkkon, muhto masa fertet daid 10 boahttevaš jagi geavahit, dajai Hoem.
– Dál mii fertet čielgasit cealkit ahte eat dohkket rasismma, mii eat dohkket vaši. Jus dan dahkat dál, de sáhttit doalahit lohpádusa ahte ii goassege šat suoidnemánu 22. beaivi, dajai Hoem.
(©NTB)