NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
Válgabiire: Gáisi
Bellodat: Ovddádusbellodat
Namma: Aud Helene Marthinsen
Ahki: 50
Siviiladilli: Náitalan.
Eatnigiella/giella: Dárogiella
Beroštumit:
Makkár astoáigedoaimmat leat dus?
– Gođđin.
Mii lea dat stuorámus maid leat vásihan eallimis?
Evttohas ii leat vástidan gažaldahkii.
Maid dagat go áiggut vuoiŋŋastit?
Evttohas ii leat vástidan gažaldahkii.
Gii lea du stuorámus ovdagovva ja manne?
– Carl I. Hagen, áibbas čielgasit.
Bargu ja oahppu
Maid don barggat dál ja makkár barggut leat dus ovdal leamašan? Makkár oahppu lea dus?
– Barggan čorgejeaddjin ja mus lea fágareivve das.
Politihkalaš duogáš
Makkár bellodagaid leat don ovddastan? Leatgo leamašan sámediggeáirras?
– Leamaš guokte áigodaga, 8 jagi, Sámedikkis.
Váibmoáššit
Makkár áššiide áiggut bidjat fokusa?
– Ovddidit sámegiela ja kultuvrra.
Mii lea du mielas eanemus hástaleaddjin maid Sámediggi ferte čoavdit čuovvovaš áigodagas?
– Bissehit vuoigatvuođaáigumuša ja Sámedikki vuosttaldanpraksisa.
Čilge manne/ manne eai galggašii minerála- ja ruvkefitnodagat oažžut lobi ásahit ja álggahit doaimmaid sámi guovlluin?
– Mii dárbbahit bargosajiid, ja ođđaáigásaš ruvkedoaibma lea hirbmat unnán noađđin birrasii.
Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?
– Boazodoallu ii leat goasse doaibman buoret go dál, ja dat lea danin go Sámedikkis ii leat dahkamuš dainna, ja go mis viimmat lea Ovddádusbellodat/Olgeš-ráđđehus mat leat váldán ovddasvástádusa. Hástalusat ovddasguvlui boazodoalus leat boraspireváttisvuođat.
Eanandoallu, maid sáhttá Sámediggi dahkat sihkkarastin dihte ahte nuorat sáhttet joatkit/ álgit ealáhusain?
– Dása ii berre Sámediggi seaguhit iežas, dá lea ášši mii gullá Eanandoallodepartemeantta vuollái.
Mii lea dat stuorámus hástalus guolástanealáhusas Sámis? Maid sáhttá Sámediggi dahkat vai dat unnimus doalut maid sáhttet birgejumi viežžat guolásteamis?
– Dása ii berre Sámediggi seaguhit iežas, dá lea ášši mii gullá Guolástusdepartemeantta vuollai.
Sámegielat, movt berre Sámediggi láhčit dili nu ahte nannejuvvojit čuovvovaš áigodagas?
– Kártet ja vuoruhit giellaovdánahttima, ja oažžut nuoraid oahppat giela.
Makkár ođđa bargosajiid lea dehálaš vuoruhit čuovvovaš áigodagas?
– Mátkkeealáhus, ruvkkedoaimmat ja duodji. Ii leat daddjon ahte Sámediggi dat galgá áŋgiruššat dán vuoruheamis.
Guhte ášši lea čuohcan dutnje eanemusat ja manne?
– Sámedikki vuosttaldanpraksisa, ja boraspirevahágat duoddaris. Olmmoš moaráhuvvá oaidnit Sámedikki agálaš vuoigatvuođarahčama.
